പ്രധാനമന്ത്രി നരേന്ദ്രമോദിയുടെ റഷ്യ സന്ദർശനത്തിന് ഇന്ന് തുടക്കമാകുകയുമാണ്.    22ാമത് ഇന്ത്യ-റഷ്യ വാർഷിക ഉച്ചകോടിയിൽ പങ്കെടുക്കുന്നതിന് വേണ്ടി പ്രസിഡന്റ് വ്‌ളാഡിമിർ പുടിന്റെ പ്രത്യേക ക്ഷണപ്രകാരമാണ് പ്രധാനമന്ത്രി ഇന്ന് റഷ്യയിലേക്ക് തിരിക്കുന്നത്.  ഇരുനേതാക്കളും സമകാലിക, ആഗോള, പ്രാദേശിക വിഷയങ്ങൾ കാഴ്ചപ്പാടുകൾ കൈമാറുമെന്ന് വിദേശകാര്യമന്ത്രാലയം പുറത്ത് വിട്ട പ്രസ്താവനയിൽ പറയുന്നു. അഞ്ച് വർഷത്തിന് ശേഷമാണ് പ്രധാനമന്ത്രിയുടെ റഷ്യ സന്ദർശനം നടക്കുന്നത്.

പാശ്ചാത്യ രാജ്യങ്ങൾ വളരെ അസൂയയോടെയാണ്   ഇതിനെ കാണുന്നതെന്ന് ക്രെംലിൻ വക്താവ് ദിമിത്രി പെസ്‌കോവ് പറഞ്ഞു. റഷ്യ ഇതിനെ പരിഗണിക്കുന്നത്    പ്രധാനപ്പെട്ട സന്ദർശനമായിട്ടാണ്  എന്നും അദ്ദേഹം പറയുന്നു.”

പ്രധാനമന്ത്രി നരേന്ദ്രമോദിയുടെ ഔദ്യോഗിക സന്ദർശനമാണെങ്കിലും ഇരുനേതാക്കൾക്കുമിടയിൽ അനൗപചാരിക വിഷയങ്ങളിലും ചർച്ച നടക്കുമെന്നാണ്   പ്രതീക്ഷിക്കുന്നത് എന്നും  വളരെയധികം പ്രാധാന്യത്തോടെയാണ് ഈ സന്ദർശനത്തെ വീക്ഷിക്കുന്നത് എന്നും  ഇരുരാജ്യങ്ങൾക്കുമിടയിലുള്ള ബന്ധം മറ്റൊരു തലത്തിലേക്ക് ഉയരാൻ ഈ സന്ദർശനം സഹായിക്കുമെന്നും പെസ്‌കോവ് പറഞ്ഞു.