അമേരിക്കന്‍ മുന്‍ പ്രസിഡന്റും റിപ്പബ്ലിക്കന്‍ സ്ഥാനാര്‍ത്ഥിയുമായ ഡൊണാള്‍ഡ് ട്രംപിന് വെടിയേറ്റു... ട്രംപിന്റെ തെരഞ്ഞെടുപ്പ് റാലിക്കിടെ വെടിവെപ്പ് ഉണ്ടായെന്ന് റിപ്പോര്‍ട്ടുകള്‍,സംഭവത്തില്‍ അപലപിച്ച് അമേരിക്കന്‍ പ്രസിഡന്റ് ജോ ബൈഡന്‍


വലത് ചെവിക്കാണ് വെടിയേറ്റത്. പെന്‍സില്‍വാനിയയിലെ പൊതുയോഗത്തില്‍ സംസാരിക്കുന്നതിനിടയിലാണ് ആക്രമണമുണ്ടായതെന്ന് അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നു. യോഗത്തില്‍ ട്രംപ് സംസാരിക്കാന്‍ തുടങ്ങിയതിന് തൊട്ട് പിന്നാലെയാണ് വേദിയില്‍ നിന്ന് വെടിയൊച്ചകള്‍ കേട്ടതെന്നാണ് റിപ്പോര്‍ട്ടുകളുള്ളത്.

ട്രംപിനെ ഉടന്‍ തന്നെ സുരക്ഷിത സ്ഥാനത്തേക്ക് മാറ്റി. ട്രംപ് സുരക്ഷിതനാണെന്നും അക്രമിയെന്ന് സംശയിക്കുന്നയാള്‍ കൊല്ലപ്പെട്ടിട്ടുണ്ടെന്നും രഹസ്യാന്വേഷണ വിഭാഗം .