നിയുക്ത പ്രസിഡന്റായി തിരഞ്ഞെടുക്കപ്പെട്ട ട്രംപ് അധികാരത്തിൽ വന്നതിന് പിന്നാലെ തന്നെ ട്രംപ് കൊണ്ട് വരാൻ പോകുന്ന മാറ്റങ്ങൾ ഏറെ ആകാംക്ഷയോടെയാണ് എല്ലാവരും ഉറ്റുനോക്കുന്നത് . .യുഎസ് പ്രസിഡന്റ് സ്ഥാനം ഏറ്റെക്കുന്നതിന് മുമ്പായി ലോകരാജ്യങ്ങളെ വിറപ്പിക്കുകയാണ് ട്രംപ്. എല്ലാ വിഷയത്തിലും അമേരിക്ക ഫസ്റ്റ് നിലപാട് സ്വീകരിക്കുന്ന ട്രംപ് നികുതി വിഷയത്തില്‍ ഇന്ത്യ അടക്കമുള്ള രാജ്യങ്ങള്‍ക്ക് മുന്നറിയിപ്പുമായി നേരത്തെ തന്നെ രംഗത്തുവന്നിരുന്നു.

ഇപ്പോഴിതാ ഇന്ത്യയ്ക്കും പണി കിട്ടും എന്നുള്ള ചില സൂചനയാണ് ഇപ്പോൾ ട്രംപ് നൽകിയിരിക്കുന്നത് മറ്റൊന്നുമല്ല . ഡോളറിനെ സംരക്ഷിക്കുന്ന നിലപാട് സ്വീകരിച്ച അദ്ദേഹം ഇപ്പോള്‍ ഇന്ത്യക്കെതിരെ ഭീഷണിയുമായി രംഗത്തുവരികയാണ്.ഡോളറിനെതിരെ നീങ്ങിയാല്‍ ബ്രിക്‌സ് രാജ്യങ്ങള്‍ക്ക് 100 ശതമാനം നികുതി ചുമത്തുമെന്നാണ് ട്രംപിന്റെ ഭീഷണി. പുതിയ കറന്‍സി സൃഷ്ടിക്കുകയോ മറ്റ് കറന്‍സികളെ ബ്രിക്‌സ് രാജ്യങ്ങള്‍ പിന്തുണക്കുകയോ ചെയ്യരുതെന്നും ട്രംപ് ആവശ്യപ്പെട്ടു.

ഡോളറിനെ സംരക്ഷിക്കുന്നതിനായി കടുത്ത നടപടികള്‍ സ്വീകരിക്കുമെന്ന സൂചനകളാണ് ട്രംപ് നല്‍കുന്നത്.ഈ രാജ്യങ്ങളില്‍ നിന്നും പ്രതിബദ്ധത വേണമെന്നാണ് ആവശ്യപ്പെടുന്നത്. പുതിയൊരു ബ്രിക്‌സ് കറന്‍സി ഇവര്‍ സൃഷ്ടിക്കരുത്. ഇതിനൊപ്പം യു.എസ് ഡോളറല്ലാതെ മറ്റൊരു കറന്‍സിയെ പിന്തുണക്കുകയും ചെയ്യരുത്. അങ്ങനെ ചെയ്താല്‍ 100 ശതമാനം നികുതിയൊടുക്കാന്‍ അവര്‍ തയാറാകണം.

പിന്നീട് അവര്‍ക്ക് യു.എസ് സമ്പദ്‌വ്യവസ്ഥയില്‍ സാധനങ്ങള്‍ വില്‍ക്കാന്‍ സാധിക്കില്ലെന്നും അദ്ദേഹം പറഞ്ഞു.ബ്രസീല്‍, റഷ്യ, ഇന്ത്യ, ചൈന, ദക്ഷിണാഫ്രിക്ക എന്നീ രാജ്യങ്ങളാണ് ബ്രിക്‌സില്‍ ഉള്‍പ്പെടുന്നത്.അവർക്കുള്ള കൃത്യമായ താക്കീതാണ് ഇപ്പോൾ നൽകിയിരിക്കുന്നത് .