പല പ്രതിഭാസങ്ങളും നമ്മുടെ ഭൂമിയിൽ സംഭവിക്കുന്നുണ്ട് . അതുപോലെ തന്നെയാണ് ബഹിരാകാശത്തും സംഭവിക്കുന്നത് . ചിലതൊക്കെ കാണാൻ നമ്മൾ ആകാംക്ഷയോടെ കാത്തിരിക്കാറുമുണ്ട് . ഇപ്പോൾ ഭൂമി സൂര്യനും വ്യാഴത്തിനുമിടയിൽ വരുന്ന അത്യപൂർവ്വ പ്രതിഭാസത്തിന് സാക്ഷ്യം വഹിക്കാനൊരുങ്ങി ലോകം. ഈ മാസം 7നാണ് ഈ ഭൂമി സൂര്യനും വ്യാഴത്തിനുമിടയിലൂടെ കടന്നു പോകുന്നത്. ഈ സമയം വ്യാഴം ഭൂമിയോട് ഏറ്റവും അടുത്തായിരിക്കും ഉണ്ടാകുന്നത്.

സൗരയൂഥത്തിലെ ഏറ്റവും വലിയ ഗ്രഹമായ വ്യാഴത്തെ ഏറ്റവും തിളക്കത്തോടെ ഏറ്റവും അടുത്ത് കാണാനുള്ള അവസരമാണ് അന്നേ ദിവസം ഉണ്ടാകുന്നത്.ആറാം തിയതി വൈകിട്ടോടെ വ്യാഴം ഭൂമിയിൽ നിന്നും ഏകദേശം 611 ദശലക്ഷം കിലോമീറ്റർ അകലെയായിരിക്കും. ഈ സമയം കൂടുതൽ പ്രകാശത്തോടെ വ്യാഴം ദൃശ്യമാകും.  സൗരയൂഥത്തിലെ ഏറ്റവും വലിയ ഗ്രഹമായ വ്യാഴം ഇന്ത്യൻ സമയം ഞായറാഴ്ച പുലർച്ചെ 1.30ന് സൂര്യന് എതിരെ വരും. ഭൂമി സൂര്യനും വ്യാഴത്തിനും ഇടയിലൂടെ കടന്നു പോകും. വ്യാഴം ഭൂമിയോട് ഏറ്റവും അടുത്തുവരുന്ന ദിവസമാണിത്.

38 കോടി കിലോമീറ്റർ അടുത്തെത്തും. അതുകൊണ്ടു തന്നെ വ്യാഴത്തെ ഏറ്റവും തിളക്കത്തിൽ നഗ്നനേത്രങ്ങൾ കൊണ്ട് കാണാം. അസ്തമയത്തോടെ സൂര്യന് നേരെ കിഴക്ക് വ്യാഴം ഉദിക്കും. അർദ്ധരാത്രിയോടെ ആകാശത്ത് നേരെ മുകളിൽ എത്തുന്ന വ്യാഴം പ്രഭാതത്തിൽ പടിഞ്ഞാറ് അസ്തമിക്കും. സൂര്യന് നേരെ എതിർദിശയിൽ വരുന്നതിനാൽ 'ഓപ്പൊസിഷൻ ഒഫ് ജൂപ്പിറ്റർ' എന്ന് അറിയപ്പെടുന്നു.ടെലസ്‌കോപ്പുകൾ ഉപയോഗിച്ച് നിരീക്ഷിക്കുന്നവർക്ക് വ്യാഴത്തിന് ചുറ്റുമുള്ള വലയങ്ങളും ഗലീലിയൻ ഉപഗ്രഹങ്ങളും നന്നായി കാണാൻ സാധിക്കുമെന്നും ശാസ്ത്രജ്ഞർ പറയുന്നു.