സമയം ഇന്ത്യയുടെ ആശങ്ക വർധിക്കുകയാണ് . കാരണം സിറിയയിൽ ഇന്ത്യൻ പൗരന്മാർ ഉള്ളത് കൊണ്ട് . പക്ഷെ ഇപ്പോൾ സംഘർഷം തുടരുന്ന സിറിയയിൽ നിന്നും പൗരന്മാരെ ഒഴിപ്പിച്ച് ഇന്ത്യ. 14 വർഷത്തെ ഭരണം അവസാനിപ്പിച്ച് വിമത സേന പ്രസിഡൻ്റ് ബാഷർ അൽ-അസദിനെ പുറത്താക്കി രണ്ട് ദിവസത്തിന് ശേഷമാണ് രാജ്യത്തിൻ്റെ രക്ഷാ ദൗത്യം. ചൊവ്വാഴ്ച 75 ഇന്ത്യൻ പൗരന്മാരെ സിറിയയിൽ നിന്ന് ഇന്ത്യ ഒഴിപ്പിച്ചു. എല്ലാ ഇന്ത്യൻ പൗരന്മാരും സുരക്ഷിതമായി ലെബനനിലേക്ക് കടന്നിട്ടുണ്ടെന്നും ലഭ്യമായ വിമാനങ്ങളിൽ ഇന്ത്യയിലേക്ക് മടങ്ങുമെന്നും വിദേശകാര്യ മന്ത്രാലയം (എംഇഎ) പ്രസ്താവനയിൽ അറിയിച്ചു.

സുരക്ഷാ സാഹചര്യം വിലയിരുത്തിയതിനെ തുടർന്ന് ഡമാസ്‌കസിലും ബെയ്‌റൂട്ടിലുമുള്ള ഇന്ത്യൻ എംബസികൾ ഏകോപിപ്പിച്ച ഒഴിപ്പിക്കൽ വിജയകരമായതായി മന്ത്രാലയം അറിയിച്ചു."സിറിയയിലെ സമീപകാല സംഭവവികാസങ്ങളെത്തുടർന്ന് ഇന്ത്യാ ഗവൺമെൻ്റ് ഇന്ന് 75 ഇന്ത്യൻ പൗരന്മാരെ സിറിയയിൽ നിന്ന് ഒഴിപ്പിച്ചു.സെയ്ദ സൈനബിൽ കുടുങ്ങിയ ജമ്മു കശ്മീരിൽ നിന്നുള്ള 44 ' സൈറീനുകൾ ' ഒഴിപ്പിക്കപ്പെട്ടവരിൽ ഉൾപ്പെടുന്നു." പ്രസ്താവനയിൽ പറഞ്ഞു.വിദേശത്തുള്ള ഇന്ത്യൻ പൗരന്മാരുടെ സുരക്ഷയ്ക്ക് ഏറ്റവും ഉയർന്ന മുൻഗണന നൽകുന്നതായി സർക്കാർ അറിയിച്ചു."സിറിയയിൽ അവശേഷിക്കുന്ന ഇന്ത്യൻ പൗരന്മാർ ഡമാസ്കസിലെ ഇന്ത്യൻ എംബസിയുമായി അവരുടെ എമർജൻസി ഹെൽപ്പ് ലൈൻ നമ്പറായ +963 993385973 (വാട്ട്‌സ്ആപ്പിലും),

ഇമെയിൽ ഐഡി (hoc.damascus@mea.gov.in) എന്നിവയിൽ അപ്‌ഡേറ്റുകൾക്കായി സമ്പർക്കം പുലർത്താൻ നിർദ്ദേശിക്കുന്നു. സർക്കാർ സ്ഥിതിഗതികൾ സൂക്ഷ്മമായി നിരീക്ഷിക്കുന്നത് തുടരും, ”എംഇഎ പറഞ്ഞു.മറ്റ് നിരവധി പ്രമുഖ നഗരങ്ങളും പട്ടണങ്ങളും പിടിച്ചടക്കിയ ശേഷം തലസ്ഥാനമായ ഡമാസ്കസിൻ്റെ നിയന്ത്രണം വിമതർ പിടിച്ചെടുത്തതോടെ ഞായറാഴ്ച സിറിയൻ സർക്കാർ തകർന്നു. വിമത ഗ്രൂപ്പായ ഹയാത്ത് തഹ്‌രീർ അൽ-ഷാം (എച്ച്‌ടിഎസ്) ഡമാസ്‌കസിൻ്റെ നിയന്ത്രണം ഏറ്റെടുത്തതിന് ശേഷം അസദ് രാജ്യം വിട്ടു, തൻ്റെ കുടുംബത്തിൻ്റെ 50 വർഷത്തെ ഭരണത്തിന് അന്ത്യം കുറിച്ചു.അസദ് മോസ്കോയിലാണെന്നും അഭയം നൽകുമെന്നും റഷ്യൻ സ്റ്റേറ്റ് മീഡിയ റിപ്പോർട്ട് ചെയ്തു.