27 വയസ്സുകാരിയായ ഇറാനിയൻ ഗായിക പരസ്തൂ അഹ്മദി അറസ്റ്റിൽ. ഹിജാബ് ധരിക്കാതെ നടത്തിയ സംഗീത പരിപാടി സമൂഹമാധ്യമമായ യൂട്യൂബിൽ പങ്കുവച്ചതിന് പിന്നാലെയാണ് അറസ്റ്റ്.   കറുത്ത സ്ലീവ്‍ലെസ് വസ്ത്രം ധരിച്ച്, മുടി മറയ്ക്കാതെ നാല് പുരുഷ സംഗീതജ്ഞർക്കൊപ്പമായിരുന്നു   പരസ്തൂ അഹ്മദി  .

വിഡിയോയിലുള്ള സംഗീതജ്ഞരായ സൊഹൈൽ ഫാഗിഹ് നാസിരിയും എഹ്‌സാൻ ബെയ്‌രാഗ്‌ദാറും അറസ്റ്റിലായതായി അഭിഭാഷകൻ സ്ഥിരീകരിച്ചു.    മാസാന്‍ദരാൻ പ്രവിശ്യയിലെ സാരി നഗരത്തിലാണ് സംഭവ വിൿസങ്ങൾ അരങ്ങേറിയത് .    യൂട്യൂബിൽ സംഗീത പരിപാടി പങ്കുവച്ചതിന് പിന്നാലെ കഴിഞ്ഞ വ്യാഴാഴ്ച പരസ്തൂ അഹ്മദിക്കെതിരെ കേസ് റജിസ്റ്റർ ചെയ്തിരുന്നു. ഇതാണ് അറസ്റ്റിലേക്ക് നയിച്ചത്. 15 ലക്ഷം കാഴ്ചക്കാരാണ് വിഡിയോയ്ക്ക് ഇതുവരെ ലഭിച്ചത്.