വർഷാവസാനത്തോട് അടുക്കുമ്പോൾ, ബാബ വംഗയുടെ ദീർഘവീക്ഷണത്തെ ചുറ്റിപ്പറ്റിയുള്ള ചർച്ചകൾ വീണ്ടും ഉയർന്നുവന്നിരിക്കുകയാണ്. 9/11 ആക്രമണം, റഷ്യയും ഉക്രെയ്നും തമ്മിലുള്ള സംഘർഷം, ഡയാന രാജകുമാരിയുടെ വിയോഗം എന്നിവ ഉൾപ്പെടെ പ്രധാനപ്പെട്ട പല സംഭവങ്ങളും വം​ഗ പ്രവചിച്ചതായി പറയപ്പെടുന്നു. 1996-ൽ ബാബ വം​ഗ മരണമടഞ്ഞെങ്കിലും, അവരുടെ പ്രവചനങ്ങൾ ലോകത്തെ ആകർഷിക്കുന്നത് തുടരുന്നു. ഇപ്പോൾ 2024 ൽ നടക്കുമെന്ന വം​ഗ പ്രവചിച്ച സംഭവങ്ങളാണ് ചർ‌ച്ചയാവുന്നത്.ബാബ വംഗയുടെ നിരവധി പ്രവചനങ്ങളിൽ,

2024-ലെ അസ്വസ്ഥജനകമായ സംഭവങ്ങളുടെ ഒരു പരമ്പര തന്നെ അവർ മുൻകൂട്ടി കണ്ടിരുന്നു, അത് സമ്മിശ്ര പ്രതികരണങ്ങൾക്ക് കാരണമായി. കടുത്ത സാമ്പത്തിക മാന്ദ്യത്തെക്കുറിച്ചും മോശമായ കാലാവസ്ഥാ പ്രതിസന്ധിയെക്കുറിച്ചും അവരുടെ പ്രവചനങ്ങൾ യാഥാർത്ഥ്യമായതായാണ് പറയുന്നത്.ദി മിററിൽ റിപ്പോർട്ട് ചെയ്യുന്നത് പ്രകാരം 2024 ൽ ആഗോള സാമ്പത്തിക പ്രതിസന്ധിയുണ്ടാകുമെന്ന് ബാബ വം​ഗ പ്രവചിച്ചിരുന്നു. കാലാവസ്ഥാ വെല്ലുവിളികളെക്കുറിച്ചും പ്രവചനം നടത്തിയിരുന്നു. പണപ്പെരുപ്പത്തിനും തൊഴിൽ നഷ്‌ടത്തിനും ഇടയിൽ പലരും ഭക്ഷ്യബാങ്കുകളെ ആശ്രയിക്കുന്ന നിലയിലെത്തി ലോകമെമ്പാടും സാമ്പത്തിക ബുദ്ധിമുട്ട് അനുഭവപ്പെട്ടു.

കൂടാതെ, വലൻസിയയിലെ വെള്ളപ്പൊക്കം, യൂറോപ്പിലും അമേരിക്കയിലും ഉടനീളമുള്ള കൊടുങ്കാറ്റുകൾ പോലെയുള്ള തീവ്ര കാലാവസ്ഥാ സംഭവങ്ങൾബാബ വം​ഗയുടെ പാരിസ്ഥിതിക പ്രവചനങ്ങളുടെ കൃത്യതയ്ക്ക് അടിവരയിടുന്നു.ബാബ വംഗ മെഡിക്കൽ സയൻസിൽ കാര്യമായ പുരോഗതിയും പ്രവചിച്ചു, പ്രത്യേകിച്ച് കാൻസർ, അൽഷിമേഴ്സ് രോഗങ്ങളുടെ കാര്യത്തിൽ. അത് ഈ വർഷം വലിയ പുരോ​ഗതി കൈവരിച്ചു. 18 വയസ്സിന് താഴെയുള്ള കുട്ടികളിൽ ക്യാൻസർ കണ്ടുപിടിക്കാൻ കഴിവുള്ള പുതിയ ഡയഗ്നോസ്റ്റിക് ടെസ്റ്റുകൾ ഡോക്ടർമാർ കണ്ടെത്തിയെന്നും സെർവിക്കൽ ക്യാൻസർ ചികിത്സയിൽ മുന്നേറ്റങ്ങളുണ്ടായെന്നും വിവിധ റിപ്പോർട്ടുകൾ.