ചരക്ക് കപ്പലിന് തീപിടിച്ചു. കൊളംബോയില്‍ നിന്ന് മുംബയിലേയ്ക്ക് പോവുകയായിരുന്ന ചരക്ക് കപ്പലിനാണ് തീപിടിച്ചത് കോഴിക്കോടിനും കണ്ണൂരിനും പടിഞ്ഞാറ് ഭാഗത്തായാണ് കേരള തീരത്തുനിന്ന് 120 കിലോമീറ്റര്‍ അകലെയാണ് സംഭവം നടന്നത്.

വാന്‍ഹായ് 503 എന്ന സിംഗപ്പൂര്‍ കപ്പലാണ് അപകടത്തില്‍പ്പെട്ടത്. തീപിടിത്തത്തെത്തുടര്‍ന്ന് 50 കണ്ടെയ്നറുകള്‍ കടലില്‍ പതിച്ചു. ബേപ്പൂര്‍- അഴീക്കല്‍ തുറമുഖങ്ങളില്‍ നിന്ന് പടിഞ്ഞാറ് മാറി 40 കിലോമീറ്റര്‍ അകലയാണ് അപകടമുണ്ടായത്. 650ല്‍ അധികം കണ്ടെയ്നറുകള്‍ കപ്പലില്‍ ഉണ്ടായിരുന്നതായാണ് സൂചനകളുള്ളത്.

40 ജീവനക്കാര്‍ കപ്പലിലുണ്ടായിരുന്നുവെന്നും ഇവരില്‍ 18 പേര്‍ കടലില്‍ ചാടിയതായും സൂചന. കോസ്റ്റ് ഗാര്‍ഡിന്റെയും നേവിയുടെയും സംഘങ്ങള്‍ കൊച്ചിയില്‍ നിന്ന് സംഭവ സ്ഥലത്തേയ്ക്ക് പുറപ്പെട്ടു. ബേപ്പൂരില്‍ നിന്നും സംഘമെത്തുമെന്ന് വിവരമുണ്ട്.

ഹെലികോപ്ടറുകളും ഡോണിയര്‍ വിമാനങ്ങളും രക്ഷാദൗത്യത്തിലുണ്ട്. കപ്പലില്‍ നിരവധി തവണ പൊട്ടിത്തെറികള്‍ ഉണ്ടായെന്നും സൂചനകളുണ്ട്.