മലേഷ്യയിൽ റവാങ്ങിലുണ്ടായ ശക്തമായ ഉരുൾപൊട്ടലിലും മിന്നൽ പ്രളയത്തിലും പെട്ട് രണ്ട് മലയാളികൾ മരണമടഞ്ഞു. എറണാകുളം പിറവം സ്വദേശി കെ.ബി. അനീഷ്, കോഴിക്കോട് കൽപത്തൂർ സ്വദേശി ലിനിൽ എന്നിവരാണ് മരിച്ചത്. ദീപാവലി അവധി ആഘോഷിക്കാൻ തടാകക്കരയിൽ എത്തിയപ്പോഴായിരുന്നു ഇവരെ പ്രകൃതി ദുരന്തത്തിന്റെ രൂപത്തിൽ മരണം കവർന്നത്. അപകടസ്ഥലത്ത് നിന്ന് അഞ്ചുപേരുടെ മൃതദേഹങ്ങൾ കണ്ടെടുത്തു. കുടുങ്ങിപ്പോയ 19 പേരെ രക്ഷപ്പെടുത്തിയിട്ടുണ്ട്. മൃതദേഹങ്ങൾ നാട്ടിലെത്തിക്കാനുള്ള നടപടികൾ നോർക്ക ആരംഭിച്ച് കഴിഞ്ഞു.