രാജ്യതലസ്ഥാനത്ത് ആഫ്രിക്കക്കാരെ ആക്രമിച്ച സംഭവത്തില്‍ അഞ്ച് പേര്‍ അറസ്റ്റില്‍. ദക്ഷിണ ഡല്‍ഹിയിലെ മെഹ്ഹൗളിയിലാണ് ആറ് ആഫ്രിക്കക്കാര്‍ ആക്രമണത്തിനിരയായത്. കോംഗോ പൗരന്‍ കൊല്ലപ്പെട്ടതിനെ തുടര്‍ന്നുണ്ടായ സംഘര്‍ഷങ്ങളുടെ ബാക്കിപത്രമായാണ് ഇന്നത്തെ ആക്രമണം.ക്രിക്കറ്റ് ബാറ്റ് ഉള്‍പ്പെടെയുള്ള വസ്തുക്കള്‍ കൊണ്ടാണ് ആഫ്രിക്കന്‍ പൗരന്‍മാരെ ആക്രമിച്ചത്. മൂന്ന് വ്യത്യസ്ത സംഭവങ്ങളിലായി ആറ് ആഫ്രിക്കക്കാര്‍ ആക്രമിക്കപ്പെട്ടതായി പോലീസ് സ്ഥിരീകരിച്ചു. ആക്രമിക്കപ്പെട്ടവരില്‍ സ്ത്രീകളും ഉള്‍പ്പെടുന്നു. സ്ത്രീകളില്‍ ഒരാള്‍ ഉഗാണ്ടയില്‍ നിന്നും ഒരാള്‍ ദക്ഷിണാഫ്രിക്കയില്‍ നിന്നും മറ്റൊരാള്‍ നൈജീരിയില്‍ നിന്നുമുള്ളവരാണ്.അതേസമയം ആക്രമണം ആസൂത്രിതമല്ലെന്നാണ് പോലീസ് നിലപാട്. ഉച്ചത്തില്‍ പാട്ട് വച്ചതിനെ ചൊല്ലിയുണ്ടായ തര്‍ക്കമാണ് ആക്രമണത്തില്‍ കലാശിച്ചതെന്ന് പോലീസ് വാദിക്കുന്നു. ആക്രമണം ലഘൂകരിച്ച് കേന്ദ്രമന്ത്രി വി.കെ സിംഗും രംഗത്ത് വന്നു. ചെറിയ സംഘര്‍ഷമാണ് നടന്നതെന്ന് വി.കെ സിംഗ് പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha