ഉപതെരഞ്ഞെടുപ്പു നടക്കുന്ന ജമ്മു കാഷ്മീരില്‍, മുഖ്യമന്ത്രി മെഹബൂബ മുഫ്തി ഇന്ന് നാമനിര്‍ദേശ പത്രിക സമര്‍പ്പിക്കും. ജമ്മു കാഷ്മീരിലെ അനന്ത്‌നാഗ് മണ്ഡലത്തില്‍ ജൂണ്‍ 19 നാണ് തെരഞ്ഞെടുപ്പ് നടക്കുന്നത്. മെഹബൂബ മുഫ്തിയുടെ പിതാവ് മുഫ്തി മുഹമ്മദ് സെയ്ദിന്റെ മരണത്തെത്തുടര്‍ന്നാണ് അനന്ത്‌നാഗ് മണ്ഡലത്തില്‍ ഉപതെരഞ്ഞെടുപ്പിനു കളമൊരുങ്ങിയത്. ജനുവരി ഏഴിനാണ് അദ്ദേഹം അന്തരിച്ചത്.
മുഫ്തി മുഹമ്മദ് സെയ്ദിന്റെ മരണത്തെത്തുടര്‍ന്ന് മുഖ്യമന്ത്രി പദം ഏറ്റെടുത്ത മെഹബൂബ മുഫ്തിക്ക് ആറുമാസത്തിനുള്ളില്‍ തെരഞ്ഞെടുക്കപ്പെട്ട ജനപ്രതിനിധി ആയെങ്കില്‍ മാത്രമേ മുഖ്യമന്ത്രി പദത്തില്‍ തുടരാനാകൂ എന്നതിനാലാണ് ഉപതെരഞ്ഞെടുപ്പിനെ നേരിടുന്നത്. നാമനിര്‍ദേശ പത്രിക സമര്‍പ്പിക്കേണ്ട അവസാന തീയതി ജൂണ്‍ ഒന്നാണ്, നാലാം തീയതിയാണ് പത്രിക പിന്‍വലിക്കാനുള്ള അവസാന തീയതി.

19നു നടക്കുന്ന തെരഞ്ഞെടുപ്പിന്റെ വോട്ടെണ്ണല്‍ ജൂണ്‍ 22നു നടക്കും. നേരത്തെ, മെയ് 16 നു തെരഞ്ഞെടുപ്പു നടത്താന്‍, തെരഞ്ഞെടുപ്പു കമ്മീഷന്‍ നിശ്ചയിച്ചിരുന്നെങ്കിലും ക്രമസമാധാന പ്രശ്‌നങ്ങള്‍ ചൂണ്ടിക്കാട്ടി തീയതി നീട്ടണമെന്ന സര്‍ക്കാരിന്റെ ആവശ്യം അംഗീകരിക്കുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha