രാജ്യാന്തര ഭീകര സംഘടനയിലേക്ക് യുവതീ യുവാക്കളെ കടത്തിക്കൊണ്ടു പോയ സംഭവത്തില്‍ കാണാതായ അഞ്ചു പേരുടെ ഫോണ്‍ സംഭാഷണം ഇന്റലിജന്‍സ് വിഭാഗം ശേഖരിച്ചു. എന്നാല്‍ ഇവര്‍ക്ക് സംഘടനയുമായി ബന്ധമുള്ള കാര്യം ഇന്റലിജന്‍സ് വിഭാഗം ഇതുവരെ പുറത്തു വിട്ടിട്ടില്ല. കടത്തിക്കൊണ്ടു പോയവര്‍ സുരക്ഷിതരാണോ, ഇപ്പോള്‍ ഏതു രാജ്യത്താണ് ഇവര്‍ എന്ന കാര്യമാണ് ഇപ്പോള്‍ ഇന്റലിജന്‍സ് വിഭാഗം പരിശോധിച്ച് വരുന്നത്.
കഴിഞ്ഞ അറസ്റ്റിലായ അര്‍ഷി ഖുറേഷിയടക്കം നിരവധി പേരുകള്‍ ഫോണ്‍ സംഭാഷണത്തില്‍ പരാമര്‍ശിക്കുന്നുണ്ട്.അറസ്റ്റിലായതിനു ശേഷം അര്‍ഷി ഖുറേഷി ഇവരുമായുള്ള ബന്ധം നിഷേധിക്കുകയും മതം മാറാന്‍ മാത്രമാണ് ഇവരെ സഹായിച്ചതെന്നും അറിയിച്ചിരുന്നു. ഇയാള്‍ക്കൊപ്പം പിടിയിലായ മുബൈ സ്വദേശി റിസ്വാന്‍ ഖാന്‍ നിരവധി യുവതീ യുവാക്കളെ ഇറാനിലേക്ക് കടത്തിയതായും കോടതി കണ്ടെത്തിയിരുന്നു.