സ്‌കോട്ലന്റില്‍ ഇന്റന്‍നാഷണല്‍ എയര്‍ ഷോ നടക്കുന്നതിനിടെ ആയിരക്കണക്കിന് ആളുകള്‍ക്ക് മുന്നില്‍ വെച്ച് നടത്തിയ പ്രണയാഭ്യര്‍ത്ഥനയാണ് ഇപ്പോള്‍ വര്‍ത്തയായിരിക്കുന്നത്. വെറും പ്രണയാഭ്യര്‍ത്ഥന എങ്ങനാണിത്ര വര്‍ത്തയായതെന്നല്ലേ, ഇവിടെ വരാനും വധുവിനും ചില പ്രത്യേകതകളുണ്ട്. വധു ലിസ മില്ലര്‍ക്ക് പ്രായം 18 വരന്‍ ജിം കെറിക്ക് 60ഉം.

ലിസ പഠിച്ചിരുന്ന സ്‌കൂളിലെ കെയര്‍ ടേക്കറായിരുന്നു ജിം കെറി. അന്നു മുതലേ ഇരുവരും കടുത്ത പ്രണയത്തിലാണ്.താനും ലിസയും തമ്മിലുള്ള എന്‍ഗേജ്മെന്റ് കഴിഞ്ഞുവെന്ന് അറിയിച്ച് ഫെയ്സ്ബുക്കില്‍ കിം നേരത്തെ തന്നെ പോസ്റ്റ് ഇട്ടിരുന്നു. ബീച്ചില്‍ ഇരിക്കുമ്പോള്‍ ജിമ്മിനെ താന്‍ ഒരുപാട് സ്നേഹിക്കുന്നെന്നും വിവാഹം കഴിക്കാമോ എന്നും ലിസ ചോദിക്കുമ്പോള്‍ ജിം സമ്മതം മൂളുന്നതും ഇരുവരും ചുംബിക്കുന്നതുമായ വീഡിയോയും പുറത്തു വിട്ടിട്ടുണ്ട്. ആദ്യ ഭാര്യയുമായി അകന്നതു മുതല്‍ ജിം ലിസയുമായി ബന്ധത്തിലാണ്.
ചെറുമകളുടെ പ്രായമുള്ള പെണ്‍കുട്ടിയെ വിവാഹം ചെയ്യുന്നതിനെതിരെ ജിമ്മിന്റെ കുടുംബത്തില്‍ എതിര്‍പ്പ് ശക്തമാണ്.

ബന്ധം അറിഞ്ഞപ്പോള്‍ സ്‌കൂള്‍ അധികൃതര്‍ ജിമ്മിനെ ജോലിയില്‍ നിന്ന് പിരിച്ചു വിട്ടിരുന്നു. എന്നാല്‍ ലിസയുടെ കുടുംബം കല്ല്യാണത്തിന് പിന്തുണയുമായുണ്ട്. പരസ്യമായി ലിസ പ്രണയം പറഞ്ഞതോടെ എതിര്‍പ്പുമായി എത്തിയിരിക്കുന്നത് ജിമ്മിന്റെ 32കാരിയായ മകളാണ്.