ആകാശച്ചാട്ടത്തിനിടെ പാരഷൂട്ട് നിവരാതെ വന്നതിനെത്തുടര്‍ന്നു സ്ത്രീ തലയടിച്ചു വീണു മരിച്ചു. യുകെയിലെ കൗണ്ടി ഡര്‍ഹമിലാണു പമേല ഗവര്‍ എന്ന നാല്‍പത്തൊന്‍പതുകാരിയുടെ ദാരുണാന്ത്യം.

നിര്‍ത്തിയിട്ടിരുന്ന ഒരു കാറിനു മുകളിലേക്കാണു പമേല വീണത്. വിദേശത്തു പലവട്ടം പാരഷൂട്ടില്‍ ചാടി പരിചയമുള്ള സ്ത്രീ സ്വന്തം പാരഷൂട്ട് സംവിധാനം ഉപയോഗിച്ചാണു ചാടിയത്. രാജ്യത്ത് ഇവര്‍ നടത്തിയ ആദ്യ ആകാശച്ചാട്ടമാണെന്നും പൊലീസ് പറഞ്ഞു. ഒരു സംഘം പാരഷൂട്ടിസ്റ്റുകള്‍ക്കൊപ്പമാണു സ്ത്രീ 400 മീറ്റര്‍ അകലെ ഷോട്ടന്‍ എയര്‍ഫീല്‍ഡില്‍നിന്നു പുറപ്പെട്ടതെന്ന് അധികൃതര്‍ വ്യക്തമാക്കി.