യുഎഇ കിരീടാവകാശിയും രാജകുമാരനുമായ ഫ്രാന്സിസ് മാര്പ്പാപ്പയുമായി കൂടിക്കാഴ്ച നടത്തി
യുഎഇ കിരീടാവകാശിയും രാജകുമാരനുമായ മുഹമ്മദ് ബിന് സയിദ് ഫ്രാന്സിസ് മാര്പ്പാപ്പയുമായി കൂടിക്കാഴ്ച നടത്തി. വത്തിക്കാന് പേപ്പല് ഹെഡ്ക്വാര്ട്ടേഴ്സില്വച്ചായിരുന്നു കൂടിക്കാഴ്ച. ദൈവത്തിന്റെ പേരില് ലോകത്തിന്റെ വിവിധയിടങ്ങളില് നടക്കുന്ന ഭീകരാക്രമണങ്ങളെ തള്ളിപ്പറയാന് മുഹമ്മദ് ബിന് സയിദ് അടക്കമുള്ളവരോട് മാര്പ്പാപ്പ ആഹ്വാനം ചെയ്തിരുന്നു. ഇതിനു തൊട്ടുപിന്നാലെയായിരുന്നു കൂടിക്കാഴ്ച.
ചെയ്യാത്ത തെറ്റുകള്ക്ക് മതവിശ്വാസികള് ലോകത്ത് പീഡിപ്പിക്കപ്പെടുകയാണെന്നും മതത്തെ അടിസ്ഥാനമാക്കിയുള്ള ഭീകരവാദത്തിനെതിരേ ഒന്നിച്ചു നില്ക്കാമെന്നും രാജകുമാരന് മാര്പ്പാപ്പായോടു പറഞ്ഞു. ഐഎസ് ഭീകരര് ഇറാക്കിലും, സിറിയയിലും നടത്തുന്ന ക്രിസ്തീയ മതക്കാര്ക്കെതിരായ വംശഹത്യകളെ രാജകുമാരന് തള്ളിപ്പറഞ്ഞു. പരസ്പരമുള്ള തെറ്റിദ്ധാരണകള് അസമാധാനത്തിലേക്കു നയിക്കുമെന്നും, ഐക്യമാണ് ആവശ്യമെന്നും മതനേതാക്കള് വ്യക്തമാക്കി.
കൂടിക്കാഴ്ചയ്ക്കിടെ ഫ്രാന്സിസ് മാര്പ്പാപ്പയും മുഹമ്മദ് ബിന് സയിദ് രാജകുമാരനും പരസ്പരം സമ്മാനങ്ങള് കൈമാറി.
https://www.facebook.com/Malayalivartha
