ന്യൂയോര്‍ക്കിലെ മാന്‍ഹട്ടനിലെ ഭീകരാക്രമണത്തിന്റെ മുഖ്യസൂത്രധാരനെന്നു സംശയിക്കുന്നയാളെ പൊലീസ് അറസ്റ്റ് ചെയ്തതായി റിപ്പോര്‍ട്ട്. അഹമ്മദ് ഖാന്‍ റഹാമി (28) ആണ് പിടിയിലായത്. സുരക്ഷാ ഉദ്യോഗസ്ഥരുമായുണ്ടായ ഏറ്റുമുട്ടലിനൊടുവിലാണ് ഇയാള്‍ പിടിയിലായതെന്നും പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു.

ശനിയാഴ്ച രാത്രി പ്രാദേശിക സമയം 8.30തോടെ സിസ്ത്, സെവന്‍ത് അവന്യൂകളുടെ ഇടയിലുള്ള 23ാം സ്ട്രീറ്റിലായിരുന്നു സ്‌ഫോടനം നടന്നത്. റോഡിനു സമീപം സ്ഥാപിച്ചിരുന്ന വേസ്റ്റ് ബിന്നാണ് പൊട്ടിത്തെറിച്ചത്.

ഐക്യരാഷ്ട്രസംഘടനയുടെ പൊതുസഭാസമ്മേളനം ആരംഭിക്കാന്‍ മണിക്കൂറുകള്‍ ബാക്കിനില്‍ക്കെയായിരുന്നു സ്‌ഫോടനമുണ്ടായത്. സ്‌ഫോടനത്തില്‍ 29 പേര്‍ക്ക് പരുക്കേറ്റിരുന്നു.