വിയറ്റ്‌നാമിലെ ഹാനോയ് പ്രദേശത്തു നിന്നാണ് അപൂര്‍വമായ വാര്‍ത്ത വന്നിരിക്കുന്നത്. നാണം കാരണം ഗര്‍ഭനിരോധന ഉറ വാങ്ങിയില്ല. പകരം മറ്റൊരു പരീക്ഷണം നടത്തി. അത് അപ്പടി പാളിയെന്ന് മാത്രമല്ല ലോകം മുഴുവനറിഞ്ഞ് നാണക്കേടാവുകയും ചെയ്തു. അടുത്തിടെ വിവാഹിതരായ വിയറ്റ്‌നാം ദമ്പതികള്‍ക്കാണ് പറ്റ് പറ്റിയത്. ഗര്‍ഭനിരോധന ഉറയ്ക്കു പകരം പ്‌ളാസ്റ്റിക് കവര്‍ പരീക്ഷിച്ചതാണ് പ്രശ്‌നമായത്. സെക്‌സില്‍ താത്പര്യമുള്ള ദമ്പതികള്‍ ഉടന്‍ കുട്ടികള്‍ വേണ്ടെന്ന് തീരുമാനമെടുത്തു. ഗര്‍ഭനിരോധന ഉറയാണ് ഇതിന് ഏറ്റവും നല്ല ഉപാധിയെന്ന് ഇരുവര്‍ക്കുമറിയാം. പക്ഷേ, ഒരു പ്രശ്‌നം. കടയില്‍ പോയി ഉറ വാങ്ങാന്‍ ചമ്മല്‍. ഒടുവിലാണ് പ്‌ളാസ്റ്റിക് കവര്‍ പരീക്ഷിക്കാന്‍ തീരുമാനിച്ചത്.

തുടക്കത്തില്‍ പ്രശ്‌നമൊന്നും തോന്നിയില്ലെങ്കിലും അല്പം കഴിഞ്ഞതോടെ പ്രശ്‌നങ്ങള്‍ തുടങ്ങി. വേദനകൊണ്ട് യുവതി നിലവിളിച്ചു. കുറച്ചുനേരം പിടിച്ചുനിന്നെങ്കിലും യുവാവിനും വേദന കലശലായി. അവശനിലയിലായ ഇരുവരെയും ബന്ധുക്കളും നാട്ടുകാരും ചേര്‍ന്ന് ആശുപത്രിയിലാക്കി. യുവതിയുടെ ജനനേന്ദ്രിയത്തിനുള്ളില്‍ കവറിന്റെ വശങ്ങള്‍ ഉരസിയുള്ള നിരവധി മുറിവുകളുണ്ട്. അണുബാധ ഉണ്ടാകാനുള്ള സാദ്ധ്യതയുള്ളതിനാല്‍ ഡോക്ടര്‍മാരുടെ നിരീക്ഷണത്തില്‍ ആശുപത്രിയിലാണ്. ജനനേന്ദ്രിയം നീരുവന്ന് വീര്‍ത്ത അവസ്ഥയിലാണ് യുവാവ്.

സംഭവം പുറത്തറിഞ്ഞതോടെ രാജ്യത്ത് ലൈംഗിക വിദ്യാഭ്യാസം നല്‍കേണ്ടതിന്റെ ആവശ്യകതയെപ്പറ്റിയുള്ള ചര്‍ച്ചകള്‍ സജീവമായി. ലൈംഗിക വിദ്യാഭ്യാസം കിട്ടിയില്ലെങ്കില്‍ കൂടുതല്‍ പേര്‍ ഇതുപോലുള്ള അബദ്ധങ്ങളില്‍ ഇനിയും പെടും എന്നാണ് വിദഗ്ദ്ധര്‍ ചൂണ്ടിക്കാണിക്കുന്നത്.