ഒരു പൗണ്ടിന് യാത്ര ചെയ്യാന് ആഗ്രഹമുണ്ടോ, ഈ മാസം 30 നു മുമ്പ് ബൂക്ക് ചെയ്യൂ യുകെയിലെവിടെയും ഒരു പൗണ്ടിനു നാഷണല് എക്സ്പ്രസില് യാത്ര ചെയ്യാം
അവിശ്വസനീയതയോടെ നെറ്റി ചുളിക്കണ്ട. ഈ മാസം 30 നുമുമ്പ് ബുക്ക് ചെയ്താല് യുകെയില് എങ്ങും വെറും ഒരു പൗണ്ടിന് യാത്ര ചെയ്യാന് നാഷണല് എക്സ്പ്രസ് അവസരമൊരുക്കുന്നുവെന്നാണ് ഏറ്റവും പുതിയ റിപ്പോര്ട്ടുകള് വെളിപ്പെടുത്തുന്നത്. ഇംഗ്ലണ്ട്, സ്കോട്ട്ലന്ഡ്, വെയില്സ് എന്നിവിടങ്ങളിലെ 250 ഓളം റൂട്ടുകളിലാണീ സൗകര്യം ലഭ്യമാകുന്നത്.
സഞ്ചരിക്കേണ്ട റൂട്ടുകളില് ഈ സൗകര്യം എപ്പോഴാണ് ലഭ്യമാകുന്നതെന്ന് അന്വേഷിച്ച് കണ്ടെത്തേണ്ടതാണ്. ഓണ്ലൈനില് മുന്കൂട്ടി ബൂക്ക് ചെയ്താല് സിംഗിള് സീറ്റുകള്ക്ക് വേണ്ടി വരുന്ന നിരക്ക് മൂന്നു പൗണ്ട് മുതല് 21 പൗണ്ട് വരെയാണ്. എന്നാല് അന്നേ ദിവസം ടിക്കറ്റെടുത്താല് 9 പൗണ്ട് മുതല് 29 പൗണ്ട് വരെയാണ് നല്കേണ്ടത്. എന്നാല് ഓരോ റൂട്ടുകള്ക്കുമനുസരിച്ച് നിരക്കുകളില് ചില്ലറ വ്യത്യാസങ്ങളുണ്ടാകുമെന്നറിയുക.
്അതിനാല് ചുരുങ്ങിയ ചെലവില് അകലെയുള്ള സുഹൃത്തുക്കളെയോ കുടുംബക്കാരെയോ കാണാന് പോകേണ്ടവര് ഇപ്പോഴത്തെ ഒരു പൗണ്ട് ഓഫര് പരമാവധി പ്രയോജനപ്പെടുത്തേണ്ടതാണ്.
ലണ്ടനില് നിന്നും ബോണ്മൗത്തിലേക്ക് രാവിലെ ഒമ്പത് മണിക്ക് പുറപ്പെടുന്ന റൂട്ടില് സെപ്റ്റംബര് 15 ന് വ്യാഴാഴ്ച. ലെയ്സസ്റ്ററില് നിന്നും ലണ്ടനിലേയ്ക്ക് ഉച്ചയ്ക്ക് ശേഷം 1.30 ന് പുറപ്പെടുന്ന റൂട്ടില് സെപ്റ്റംബര് 17 ന് ശനിയാഴ്ച. ഗ്ലാസ്കോയില് നിന്നും മാഞ്ചസ്റ്ററിലേയ്ക്ക് ഉച്ചയ്ക്ക് ഒരു മണിക്ക് പുറപ്പെടുന്ന റൂട്ടില് സെപ്റ്റംബര് 21 ന് ബുധനാഴ്ച. ബെര്മിംഗ്ഹാമില് നിന്നും കാര്ഡിഫിലേയ്ക്കുള്ള റൂട്ടില് ഉച്ചയ്ക്ക് 1.50 ന് പുറപ്പെടുന്ന റൂട്ടില് സെപ്റ്റംബര് 23 ന് വെള്ളിയാഴ്ച. ലീഡ്സില് നിന്നും ലിവര്പൂളിലേയ്ക്ക് രാവിലെ 6.35 ന് പുറപ്പെടുന്ന റൂട്ടില് സെപ്റ്റംബര് 24 ന് ശനിയാഴ്ച.
ഇതിനായി സെപ്റ്റംബര് 30 ന് രാത്രി 11.59 വരെയേ ബുക്ക് ചെയ്യാന് സാധിക്കുകയുള്ളൂവെന്ന് പ്രത്യേകം ഓര്മ്മിക്കുക. വെറും 12,000 ഒരു ഫൗണ്ട് ഫെയറുകളെ ഉള്ളൂവെന്നതിനാല് അവസരം നഷ്ടപ്പെടാതിരിക്കാന് നേരത്തെ തന്നെ ബുക്ക് ചെയ്താല് നന്നായിരിക്കും. യാത്ര ചെയ്യേണ്ട തീയതികളിലോ അല്ലെങ്കില് കോച്ചുകളിലോ ഒരു പൗണ്ട് ഫെയര് ലഭ്യമല്ലെങ്കിലോ ഒരു പൗണ്ട് ഫെയര് വിറ്റ് പോയെങ്കിലോ അടുത്ത കുറഞ്ഞ നിരക്കോ ഇനി ഏത് ദിവസമാണ് കുറഞ്ഞ നിരക്ക് ലഭ്യമാകുന്നതെന്നോ നമുക്കു മുന്നില് ദൃശ്യമാകുന്നതാണ്. സെപ്റ്റംബര് 13 ന് പരിശോധിച്ചപ്പോള് താഴെ പറയുന്ന റൂട്ടുകളിലും സമയങ്ങളിലും ഒരു പൗണ്ട് ലഭ്യമാകുന്ന് വ്യക്തമായിട്ടുണ്ട്.
https://www.facebook.com/Malayalivartha