പാകിസ്ഥാനില് കറാച്ചിയിലെ ലാന്ഡി റെയില്വേ സ്റ്റേഷനില് ട്രെയിനുകള് തമ്മില് കൂട്ടിമുട്ടി 19 പേര് മരിച്ചു
കറാച്ചിയിലെ ലാന്ഡി റെയില്വേ സ്റ്റേഷനില് ട്രെയിനുകള് കൂട്ടിമുട്ടി 19പേര് മരിച്ചു. 40ഓളം പേര്ക്ക് പരിക്കേറ്റു. മൃതദേഹങ്ങള് ജിന്ന പോസ്റ്റ്ഗ്രാജ്വേറ്റ് മെഡിക്കല് സെന്റര് മോര്ച്ചറിയില് സൂക്ഷിച്ചിരിക്കുകയാണ്. മരണ നിരക്ക് കൂടാന് സാധ്യതയുണ്ടെന്ന് റെയില്വേ മന്ത്രി അറിയിച്ചു.
മുള്ട്ടാനില് നിന്നു വരുന്ന സകരിയ എക്സ്പ്രസ് നിര്ത്തിയിട്ട ഫരീദ് എക്സ്പ്രസുമായി കൂട്ടിയിടിച്ചാണ് അപകടം. റെയില്വേ ജീവനക്കാര് ട്രാക്കില് ട്രെയിന് നിര്ത്തിയിരിക്കുന്നത് ഓര്ക്കാതെ അബദ്ധത്തില് സകരിയ എക്സ്പ്രസിന് പച്ചക്കൊടി കാണിക്കുകയായിരുന്നെന്ന് സിന്ധ് റെയില്വേ അധികൃതര് അറിയിച്ചു.
രണ്ടു ട്രെയിനുകളിലും 1000-ഓളം യാത്രക്കാരുണ്ടായിരുന്നെന്ന് റെയില്വേ ഡിവിഷണല് സൂപ്രണ്ട് നാസിര് നസീര് അറിയിച്ചു. ഇടിയുടെ ആഘാതത്തില് ട്രെയിനുകളിലെ രണ്ടുബോഗികള് തലകീഴായി മറിഞ്ഞു. അപകടത്തില് പെട്ടവരെ ബോഗികള് പൊളിച്ചു മാറ്റിയാണ് രക്ഷപ്പെടുത്തിയത്. പരിക്കേറ്റവരെ അടുത്തുള്ള ആശുപത്രികളില് പ്രവേശിപ്പിച്ചു. അപകടത്തിനു ശേഷം ഇതുവഴിയുള്ള ട്രെയിന് ഗതാഗതം നിലച്ചരിക്കുകയാണ്.
ഡ്രൈവറുടെയും അസിസ്റ്റന്റ് ഡ്രൈവറുടെയും അശ്രദ്ധയാണ് അപകടത്തിനിടയാക്കിയതെന്ന് കരുതുന്നതായി റെയില്വേ മന്ത്രി ഖ്വാജാ സാദ് റഫീക്ക് പറഞ്ഞു.
https://www.facebook.com/Malayalivartha
