അമേരിക്കന്‍ പ്രസിഡന്റ് തെരഞ്ഞെടുപ്പിലെ റിപ്പബ്ലിക്കന്‍ സ്ഥാനാര്‍ഥി ഡൊണാള്‍ഡ് ട്രംപിനെ പിന്തുണച്ച് മുന്‍ മിസ് ഇന്ത്യ മനസ്വി മംഗായ്. ഇന്ത്യയെ സംബന്ധിച്ചിടത്തോളം ഹിലരിയെക്കാള്‍ ട്രംപ് പ്രസിഡന്റാകുന്നതാണ് നല്ലതെന്നും മനസ്വ വ്യക്തമാക്കി. 

നമുക്കാവശ്യം ഒരു ബിസിനസ്മാനെയാണെന്നും ആദ്യമായാണ് യു.എസ് പ്രസിഡന്റ് തെരഞ്ഞെടുപ്പിന് ഇന്ത്യക്കാരും ഹിന്ദുക്കളും ഇത്ര പ്രാധാന്യം നല്‍കുന്നതെന്നും ന്യൂയോര്‍ക് സിറ്റിയിലെ ട്രംപിന്റെ പ്രചാരക കൂടിയായ മനസ്വ പറഞ്ഞു. 

ചൊവ്വാഴ്ചയാണ് 20 കോടി വോട്ടര്‍മാര്‍ ട്രംപിന്റെയും ഹിലരിയുടെയും ഭാവി നിര്‍ണയിക്കുക. തെരഞ്ഞെടുപ്പിന് മണിക്കൂറുകള്‍ ബാക്കി നില്‍ക്കെ കൂടുതല്‍ വോട്ടര്‍മാരുടെ പിന്തുണയുറപ്പാക്കാന്‍ അവസാനവട്ടശ്രമവുമായി ഹിലരിയുടെയും ട്രംപിന്റെയും പ്രചാരകര്‍ രംഗത്തുണ്ട്. 3.7 കോടി വോട്ടര്‍മാര്‍ ഇതിനകം മുന്‍കൂര്‍ വോട്ട് രേഖപ്പെടുത്തിക്കഴിഞ്ഞു.