എസ്കലേറ്ററില് കയറിയ മുത്തശ്ശിക്ക് കാല് വഴുതി ; 30 അടി താഴ്ചയിലേക്ക് വീണ് പിഞ്ചുകുഞ്ഞ് മരിച്ചു
ഞെട്ടിപ്പിക്കുന്ന എസ്കലേറ്റര് അപകടമാണ് ചൈനയില് നിന്ന് റിപ്പോര്ട്ട് ചെയ്തിരിക്കുന്നത്. കുഞ്ഞിനെ എടുത്ത് എസ്കലേറ്ററില് കയറിയ മുത്തശ്ശിയുടെ കാല് വഴുതി കൈയില് ഇരുന്ന നാല് മാസം പ്രായമുള്ള കുഞ്ഞ് 30 അടിതാഴ്ചയിലേക്ക് വീണ് മരിച്ചു. ചൈനയിലെ ഷാന്ഗായിലെ കിന്ഗുപു ജില്ലയിലെ വു യു പ്ലാസ ഡിപ്പാര്ട്ട്മെന്റ് സ്റ്റോറിന്റെ മൂന്നാം നിലയിലാണ് ഈ അപകടം സംഭവിച്ചിരിക്കുന്നത്. ഡിപ്പാര്ട്ട്മെന്റ് സ്റ്റോറിന്റെ എസ്കലേറ്ററില് സംഭവിച്ച അപകടത്തിന്റെ സിസിടിവി ദൃശ്യങ്ങളാണ് പുറത്ത് വന്നിരിക്കുന്നത്.
എസ്കലേറ്ററില് കയറിയ മുത്തശ്ശിയുടെ കാല് വഴുതി ബാലന്സ് തെറ്റിയാണ് അപകടം ഉണ്ടായത്. ബാലന്സ് തെറ്റിയ സ്ത്രീ ഹാന്ഡ് റെയിലിന് സമീപത്തേക്ക് ചെരിയുന്നതും കുഞ്ഞ് അവരുടെ കൈയില് നിന്നും തെറിച്ച് താഴോട്ട് പോവുകയുമായിരുന്നു. കുഞ്ഞിനെ പിടിക്കാന് അവര് ശ്രമം നടത്തിയെങ്കിലും അതിന് കഴിഞ്ഞില്ല.
കുട്ടിയുടെ അമ്മയും സഹോദരിയുമാണെന്ന് തോന്നിക്കുന്ന രണ്ട് പേര് ഈ അപകടങ്ങള്ക്ക് സാക്ഷിയായി കരയുന്നതും കാണാം. തുടര്ന്ന് വീഡിയോയുടെ അവസാനം കുഞ്ഞിന്റെ അമ്മ താഴോട്ട് വീണ തന്റെ മകന്റെ അടുത്തേക്ക് ഓടുന്നുണ്ട്. തിരക്കിനിടയില് അമ്മയോടൊപ്പമുണ്ടായിരുന്ന പെണ്കുട്ടിയും എസ്കലേറ്ററില് വീഴുന്നുണ്ട്. കുഞ്ഞിനെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
https://www.facebook.com/Malayalivartha
