കളി കാര്യമായപ്പോള്‍ പണി വരുന്ന വഴികള്‍ ഇങ്ങനെ. കരഞ്ഞുകാലുപുടിച്ചിട്ടും കരുണ കാണിക്കാതെ വെള്ളക്കാരി. വാട്‌സാപ്പിലെത്തിയ ബ്ലൂഫിലിം സഹപ്രവര്‍ത്തകയായ വെള്ളക്കാരി നഴ്‌സിനെകാണിച്ച മലയാളിക്ക് പതിനാറിന്റെ കിട്ടി. മൊബൈല്‍ ഫോണില്‍ എത്തിയ ഒരു നീലച്ചിത്രം സഹപ്രവര്‍ത്തകയായ വെള്ളക്കാരി നഴ്‌സിനു കാണിച്ചു കൊടുത്തതിന്റെ പേരില്‍ നടപടി നേടിരുകയാണ് മാഞ്ചസ്റ്റര്‍ റോയല്‍ ഇന്‍ഫോര്‍മറി എന്‍എച്ച്എസ് ഹോസ്പിറ്റലിലെ മെയില്‍ നഴ്‌സായ സഞ്ജീവ് വര്‍ഗ്ഗീസ് എന്ന യുവാവ്.
തെറ്റായ ഉദ്ദേശത്തോടെയാണ് നീലച്ചിത്രം കാണിച്ചത് എന്നാരോപിച്ച് വെള്ളക്കാരി നഴ്‌സായ എലയ്ന്‍ സെല്ലര്‍ ആണ് പരാതി നല്‍കിയത്. കേസ് ഇന്നലെ എന്‍എംസി ട്രിബ്യൂണലിന്റെ പരിഗണനയിലാണ്. കേസ് എത്തിയപ്പോള്‍ ചൂട് പിടിച്ച വാദപ്രതിവാദങ്ങള്‍ ആണ് നടന്നത്.
ഒരു സ്ത്രീ ഒരു സെക്‌സ് ടോയ് ഉപയോഗിക്കുന്നതിന്റെ ചിത്രമാണ് സഞ്ജീവ് വര്‍ഗീസ് വെള്ളക്കാരിയെ കാട്ടിക്കൊടുത്തതെന്ന് വ്യക്തമായിട്ടുണ്ട്. നഴ്‌സുമാരെന്ന നിലയില്‍ സെക്‌സ് ടോയ്കളെ പറ്റി മനസിലാക്കണമെന്ന ഉദ്ദേശത്തോടെയാണ് താന്‍ സഹപ്രവര്‍ത്തകയായ എലയ്‌നെ ഈ വീഡിയോ കാണിച്ചതെന്നാണ് സഞ്ജയ് സ്വയം ന്യായീകരിക്കുന്നത്. എന്നാല്‍ സഞ്ജയ് ഈ ക്ലിപ്പിങ് സഹപ്രവര്‍ത്തകയെ കാണിച്ച് അവരുടെ പ്രതികരണം ആസ്വദിക്കുകയായിരുന്നു വെന്നാണ് എന്‍എംസി ലോയറായ സല്‍മ ലലാനി പറഞ്ഞത്. പ്രായപൂര്‍ത്തിയായ ഒരു സ്ത്രീ അത്തരം കാര്യങ്ങള്‍ കാണാന്‍ ആഗ്രഹിക്കില്ലെന്നാണ് ട്രിബ്യൂണലില്‍ എലയ്ന്‍ ബോധിപ്പിച്ചിരിക്കുന്നത്. ഈ അസഭ്യമായ വീഡിയോ കാട്ടി സഞ്ജയ് കള്ളച്ചിരി ചിരിക്കുന്നത് കണ്ട് സഹപ്രവര്‍ത്തകര്‍ ഞെട്ടിപ്പോയെന്നാണ് ലലാനി പറയുന്നത്.
ഇത് ഒരു പ്രാവശ്യം പോലും കാണിക്കാന്‍ പാടില്ലാത്ത വീഡിയോ ആയിട്ട് പോലും സഞ്ജയ് ഇത് പലവട്ടം പ്രദര്‍ശിപ്പിച്ചിരുന്നുവെന്നും അതയാളില്‍ ചിരി ഉണര്‍ത്തിയിരുന്നുവെന്നും ലലാനി പറയുന്നു. എന്നാല്‍ തന്റെ കക്ഷി സര്‍ജിക്കല്‍ പ്രൊസീജിയറിന്റെ ഭാഗമായിട്ടാണ് ഈ വീഡിയോ കാണിച്ചിരിക്കുന്നതെന്നാണ് സഞ്ജയിന്റെ അഭിഭാഷകയായ നീരജ ശര്‍മ വാദിക്കുന്നത്. ഇത് കാണിച്ചുവെന്നത് അദ്ദേഹം തുറന്ന് സമ്മതിച്ച കാര്യമാണെന്നും അത് നിരവധി പേരുടെ മുന്നില്‍ വച്ചാണ് പ്രദര്‍ശിപ്പിച്ചതെന്നും ഇതിന് പിന്നില്‍ ദുരുദ്ദേശമില്ലെന്നും നീര്‍ജ വാദിക്കുന്നു. നീണ്ട 20 വര്‍ഷങ്ങളായി നഴ്‌സായി ജോലി ചെയ്യുന്ന സഞ്ജയ് സല്‍സ്വഭാവിയാണെന്നും അഭിഭാഷക വാദിക്കുന്നു. അസഭ്യമായ വീഡിയോയാണ് താന്‍ സഹപ്രവര്‍ത്തകരെ കാണിച്ചതെന്ന് ആരോപണം ഹിയറിംഗിനെത്തിയ സഞ്ജയ് നിഷേധിക്കുന്നു. കേസ് സംബന്ധിച്ച വിചാരണ തുടരുകയാണ്.