ബാഗ്ദാദ് ട്രക്ക്ബോംബ് സ്ഫോടനത്തില് മരിച്ചവരുടെ എണ്ണം 97 ആയി
ഇറാക്കിന്റെ തലസ്ഥാനമായ ബാഗ്ദാദില് പെട്രോള് പമ്പില് ഐഎസ് നടത്തിയ ട്രക്ക്ബോംബ് സ്ഫോടനത്തില് മരിച്ചവരുടെ എണ്ണം 97 ആയി. കര്ബലയിലെ തീര്ഥാടനത്തിനുശേഷം നാട്ടിലേക്കു മടങ്ങിയ ഇറാന്കാരാണു കൊല്ലപ്പെട്ടവരില് ഭൂരിഭാഗവും. നിരവധി പേര്ക്ക് പരിക്കേല്ക്കുകയും ചെയ്തു. ആക്രമണത്തിന്റെ ഉത്തരവാദിത്വം ഐഎസ് ഏറ്റെടുത്തിട്ടുണ്ട്. ബാഗ്ദാദിലെ ഹില്ലാ നഗര പ്രാന്തത്തിലെ പെട്രോള് പമ്പിലാണ് ആക്രമണം നടന്നത്.
ബാഗ്ദാദില്നിന്ന് 100 കിലോമീറ്റര് തെക്കാണു ഹില്ലാ നഗരം. നഗരപ്രാന്തത്തിലെ ഷോമാലി ഗ്രാമത്തിലെ പെട്രോള് പമ്പില് പാര്ക്കു ചെയ്തിരുന്ന തീര്ഥാടകരുടെ ഏഴു ബസുകള് ആക്രമണത്തില് തകര്ന്നു. ഇറാനു പുറമേ, ബഹറിന്, ഇറാക്ക് എന്നിവിടങ്ങളില്നിന്നുള്ള ഷിയാ തീര്ഥാടകരും ബസുകളിലുണ്ടായിരുന്നു. സ്ഫോടനം നടന്ന പ്രദേശം മുഴുവനായും തകര്ന്നു. ഗ്യാസ് ടാങ്കര് പൊട്ടിത്തെറിച്ചാണ് സ്ഫോടനം ഉണ്ടായത്.
https://www.facebook.com/Malayalivartha
