യുഎസിലെ ടെന്നസിയില്‍ കാട്ടുതീ പടര്‍ന്നു പിടിച്ച് മൂന്നു പേര്‍ മരിച്ചു. സംഭവത്തില്‍ നിരവധിപ്പേര്‍ക്ക് പരിക്കേല്‍ക്കുകയും 150 ലേറെ കെട്ടിടങ്ങള്‍ തകരുകയും ചെയ്തു. മരിച്ചവരെ സംബന്ധിച്ച കൂടുതല്‍ വിവരങ്ങള്‍ അറിയില്ലെന്നും, ഇവരുടെ ബന്ധുക്കളെ വിവരമറിയിച്ചിട്ടുണ്ടെന്നും അധികൃതര്‍ അറിയിച്ചു.

തീപിടിത്തത്തില്‍ പരിക്കേറ്റ് വിവധ ആശുപത്രികളില്‍ ചികിത്സയില്‍ കഴിയുന്നവരില്‍ 12 പേരുടെ നില ഗുരുതരമാണ്. 400 ലേറെ അഗ്‌നിശമനസേന അംഗങ്ങളാണ് തീ നിയന്ത്രിക്കുന്നതിനായുള്ള ശ്രമങ്ങളില്‍ ഏര്‍പ്പെട്ടിരിക്കുന്നത്.

തീ ഇതുവരെ നിയന്ത്രണ വിധേയമായിട്ടില്ലെന്നാണ് വിവരം. എതാനും മാസങ്ങള്‍ക്ക് മുന്‍പ് ഇവിടെ സമാനമായ രീതിയില്‍ തീപിടുത്തമുണ്ടായിരുന്നു. അന്ന് 100 ലേറെ കെട്ടിടങ്ങള്‍ക്ക് കേടുപാടുകള്‍ സംഭവിക്കുകയും നിരവധിപ്പേര്‍ക്ക് പരിക്കേല്‍ക്കുയും ചെയ്തിരുന്നു.