അപകടത്തെ തുടര്‍ന്ന് അടച്ചിട്ടിരിക്കുകയായിരുന്ന ഓസ്‌ട്രേലിയയിലെ പ്രശസ്തമായ ഗോള്‍ഡ് കോസ്റ്റിലുള്ള ഡ്രീം വേള്‍ഡ് തീം പാര്‍ക്ക് വീണ്ടും തുറക്കുന്നു. ഡിസംബര്‍ 10 ന് പാര്‍ക്ക് വീണ്ടും തുറക്കുമെന്നാണ് ലഭിക്കുന്ന വിവരങ്ങള്‍. എല്ലാ റൈഡുകളും കര്‍ശന സുരക്ഷാ പരിശോധനയ്ക്ക് വിധേയമാക്കിയതായും അധികൃതര്‍ അറിയിച്ചു.

ഒക്ടോബര്‍ അവസാനം റൈഡ് തകര്‍ന്ന് നാലു പേര്‍ മരിച്ച സംഭവത്തെ തുടര്‍ന്നാണ് പാര്‍ക്ക് അടച്ചിട്ടത്. തണ്ടര്‍ റിവര്‍ റാപ്പിഡ്‌സ് എന്ന റൈഡില്‍ ഇരുന്നവരാണ് അന്ന് അപകടത്തില്‍പ്പെട്ടത്. ഇതിന്റെ ഒരു റാഫ്റ്റിന്റെ നിയന്ത്രണം നഷ്ടപ്പെട്ടതാണ് അപകടത്തിന് കാരണമായത്. നാല്‍പ്പതില്‍പരം റൈഡുകളും മറ്റ് ആകര്‍ഷക സംവിധാനങ്ങളുമുള്ള പാര്‍ക്കാണ് ഡ്രീം വേള്‍ഡ്.