പന്ത്രണ്ടുവയസ്സുള്ള കുട്ടികള്‍ കളിക്കുന്നതിനിടയില്‍ വീടിനുള്ളിലെ കാര്‍ഡ്‌ബോര്‍ഡ് പെട്ടി കത്തിച്ചു.അകത്ത് ഉറങ്ങിക്കിടന്ന 52 കാരന് പൊള്ളലേറ്റു മരിച്ചു. മൂന്നു കുട്ടികള്‍ ചേര്‍ന്നാണ് ഈ അബദ്ധം കാണിച്ചത്.
തലസ്ഥാനമായ ബെല്‍ഗ്രേഡില്‍ നിന്നും 70 കിലോമീറ്റര്‍ അകലെയുള്ള സെര്ബിയന് നഗരം നോവി സാഡിലായിരുന്നു വൃദ്ധനെ കുട്ടികള്‍ തീ വെച്ചു കൊന്നത്.
വൃദ്ധന്‍ കിടന്നുറങ്ങുന്നത് അറിയാതെ കിടയ്ക്കയ്ക്ക് കീഴിലെ കാര്‍ഡ്‌ബോര്‍ഡ് പെട്ടി കുട്ടികള്‍ കളിക്കുന്നതിനിടയില് തീ കൊളുത്തുകയായിരുന്നു. പെട്ടിയില്‍ നിന്നും തീ പെട്ടെന്ന് തന്നെ ഇയാളുടെ വസ്ത്രങ്ങളിലേക്കും ശരീരത്തേക്കും പടരുകയായിരുന്നു.
ഗുരുതരമായി പൊള്ളലേറ്റ ഇയാളെ ഉടന്‍ തന്നെ ആശുപത്രിയില്‍ എത്തിച്ചെങ്കിലും പിന്നീട് ഇയാള്‍ മരിക്കുകയായിരുന്നു. തുടര്‍ന്ന് മാതാപിതാക്കളുടെ സാന്നിദ്ധ്യത്തില്‍ പോലീസ് കുട്ടികളെ ചോദ്യം ചെയ്തു. സെര്‍ബിയന് ജനതയെ മുഴുവന്‍ ഞെട്ടിച്ചു കൊണ്ടു കുട്ടികളെ പോലീസ് അറസ്റ്റും ചെയ്തിട്ടുണ്ട്. സെര്‍ബിയന് ക്രിമിനല്‍ നിയമം അനുസരിച്ച് 14 വയസ്സില് താഴെ പ്രായമുള്ള കുട്ടികള്‍ക്കെതിരേ കേസ് എടുക്കാന് കഴിയില്ലെന്നിരിക്കെയാണ് നടപടി.