യുഎസ് പ്രസിഡന്റ് ബറാക് ഒബാമയുടെ ഈ വര്‍ഷത്തെ അവസാന വാര്‍ത്താസമ്മേളനം മാധ്യമപ്രവര്‍ത്തക കുഴഞ്ഞുവീണതിനെ തുടര്‍ന്ന് തടസപ്പെട്ടു. സിറിയന്‍ അഭയാര്‍ഥികളെക്കുറിച്ച് ഒബാമ പറഞ്ഞുതുടങ്ങിയപ്പോളായിരുന്നു മുന്നിലിരുന്ന മാധ്യമപ്രവര്‍ത്തക കുഴഞ്ഞുവീണത്.

വാര്‍ത്താസമ്മേളനം ഉടന്‍ നിര്‍ത്തി വച്ചിട്ട് പ്രസിഡന്റിന്റെ ഔദ്യോഗിക ഡോക്ടറെ ഉടന്‍ എത്തിക്കാനും മാധ്യമപ്രവര്‍ത്തകയെ മറ്റൊരു മുറിയിലേക്കു മാറ്റാനും ഒബാമ നിര്‍ദേശം നല്‍കി. മിനിട്ടുകള്‍ക്കകം ഒബാമയുടെ ഡോക്ടറായ റോണി ജാക്‌സനെത്തി വേണ്ട പരിചരണം നല്‍കി. തുടര്‍ന്നാണ് വാര്‍ത്താസമ്മേളം പുനഃരാരംഭിച്ചത്.