9 മക്കളുടെ അമ്മയായ നേഴ്സറി ടീച്ചറെ ദേശത്തുനിന്നും ഓടിച്ചു!
യുകെയിലെ ഒരു നഴ്സറി ടീച്ചര് സ്ഥലംവിട്ടു പോകണമെന്ന് പരിസരവാസികള് ആവശ്യപ്പെട്ടു. പ്രസ്തുത സ്ത്രീയുടെ പൂര്വ്വകാല രഹസ്യങ്ങള് വെളിവായതിനെ തുടര്ന്നാണ് നാട്ടുകാര് അവര്ക്കെതിരെ തിരിഞ്ഞത്.
46 കാരിയായ ട്രേസി ലിയോണ്സ് 9 മക്കളുടെ അമ്മയാണ്. അവര് അടുത്തിടെയാണ് സൗത്താംപ്ടണിലേയ്ക്ക് താമസിക്കാനെത്തിയത്. ട്രേസി ലിയോണ്സ് എന്ന പേരിലല്ല പ്രസ്തുത പ്രദേശത്ത് അവര് അറിയപ്പെടുന്നത്. അവിടെയുള്ളവരോടെല്ലാം അവര് മറ്റൊരു പേരിലാണ് പരിചയം സ്ഥാപിച്ചിരുന്നത്.
എന്നാല് അവര് ആരാണെന്നും, അവരുടെ ഭൂതകാലം എന്താണെന്നുമൊക്കെ അടുത്തിടെ പുറത്തറിയാനിടയാക്കിയത് ഒരു ക്രിസ്തുമസ് കാര്ഡാണ്. ലൈംഗിക കുറ്റവാളികളെ പുനരധിവസിപ്പിക്കുകയും തുടര്ന്നുള്ള അവരുടെ ജീവിതത്തിനു വേണ്ട സഹായങ്ങള് നല്കുകയും ചെയ്യുന്ന ഒരു സന്നദ്ധ സംഘടനയായിരുന്നു അവര്ക്ക് ഈ കാര്ഡയച്ചത്. ഈ കാര്ഡ് യാദൃശ്ചികമായി ഒരു അയല്ക്കാരന് കാണാനിടയായതാണ് സംഭവങ്ങള്ക്ക് തുടക്കമിട്ടത്.
പ്രസ്തുത കാര്ഡു കണ്ട അയല്ക്കാരന് അവര് ആരാലോ പീഡിപ്പിക്കപ്പെട്ടിട്ടുള്ളയാളാണെന്ന് ആദ്യം കരുതിയത്. എന്നാലും അയാള് ഗൂഗിളില് സെര്ച്ചു ചെയ്തു നോക്കി. ആ നാട്ടില് അവരോടെല്ലാം അവര് പറഞ്ഞിരുന്ന പേരില് ഗൂഗിളില് സെര്ച്ചുചെയ്തു നോക്കിയെങ്കിലും ആ പേരുള്ള ആരേയും പീഡിപ്പിക്കപ്പെട്ടവരുടെ ലിസ്റ്റില് കണ്ടെത്താനായില്ല.
തുടര്ന്നാണ് അവളുടെ പ്രദേശമായ പോര്ട്ട്സ്മൗത്തിലുള്ള ലൈംഗിക കുറ്റവാളികളെ കുറിച്ച് എന്തെങ്കിലും വിവരം കിട്ടുമോ എന്ന് അയാള് ഗൂഗിളില് തിരഞ്ഞത്. ഉടന് തന്നെ ട്രേസി ലിയോണ്സ് പോര്ട്ട്സ്മൗത്ത് എന്ന പേരോടെ ഇവരുടെ ചിത്രം തെളിഞ്ഞു വന്നു. അതോടെ അവര് പീഡനത്തിന്റെ ഇര അല്ലെന്നും അവരാണ് പീഡിപ്പിച്ചതെന്നും അയാള്ക്കു മനസ്സിലായി മറ്റൊരു പേരിലാണ് ആ നാട്ടില് അറിയപ്പെടുന്നതെങ്കിലും അവരുടെ ഫോട്ടോയില് നിന്നും വളരെ പെട്ടെന്ന് തനിക്കവരെ തിരിച്ചറിയാന് കഴിഞ്ഞു എന്നയാള് പറഞ്ഞു. പിന്നീട് അവരെ കുറിച്ച് കൂടുതല് വിവരങ്ങള് അയാള് അന്വേഷിച്ചു. അപ്പോഴാണ് അവരുടെ ഞെട്ടിക്കുന്ന ഭൂതകാല രഹസ്യങ്ങള് അയാള്ക്കു മനസ്സിലായത്.
പോര്ട്ട്സ്മൗത്തില് ഒരു നഴ്സറി ടീച്ചറായി ജോലി നോക്കിയിരുന്ന കാലത്ത് അവര് തന്റെ സ്കുളിലുള്ള രണ്ടു വയസ്സുകാരന് ബാലനെ ബലാല്ക്കാരം ചെയ്തുവെന്നും അത് റിക്കോര്്ഡ് ചെയ്ത് ഓണ്ലൈനില് അവരുടെ സംഘാംഗങ്ങളായ മറ്റു പിഡോഫൈലുകള്ക്ക് ( കുഞ്ഞുങ്ങളോട് ലൈംഗികാഭിമുഖ്യം ഉള്ളവര്) ഷെയര് ചെയ്യുകയും ചെയ്തതിന് അവര് നാലു വര്ഷത്തെ ജയില് ശിക്ഷ അനുഭവിച്ചു എന്നറിഞ്ഞ അയല്ക്കാരന് ഞെട്ടിത്തരിച്ചു പോയി. അയാള് അറിഞ്ഞ ഈ വിവരം മറ്റുള്ള അയല്ക്കാരെ അറിയിച്ചു.
പ്രത്യേകിച്ചും ട്രേസി ലിയോണ്സ് ആ പ്രദേശത്തെത്തിക്കഴിഞ്ഞ് അവരുമായി സൗഹൃദത്തിലായ കൊച്ചു കുഞ്ഞുങ്ങളുള്ള വീട്ടുകാരോട് പ്രത്യേകമായി അയാള് വിവരം അറിയിച്ചു. അതോടെ നാട്ടുകാര് അവര്ക്കെതിരെ തിരിയുകയായിരുന്നു. തങ്ങളുടെ സ്ഥലത്ത് താമസിക്കാന് അവരെ അനുവദിക്കയില്ല എന്നവര് തീര്ത്തു പറഞ്ഞതോടെ അവര് വീടുവിട്ടു പോകാന് തയ്യാറാവുകയായിരുന്നു.
https://www.facebook.com/Malayalivartha
