എട്ടു വയസ്സുകാരിയായ മകളെ പണത്തിനു വേണ്ടി 30 വയസ്സുകാരന് വിവാഹം കഴിച്ചു കൊടുക്കാന് ശ്രമിച്ച പിതാവ് അറസ്റ്റില്
പ്രായപൂര്ത്തിയാകാത്ത മകളെ പണം വാഗ്ദാനം ചെയ്ത 30 വയസ്സുകാരന് വിവാഹം ചെയ്തു നല്കാന് ശ്രമിച്ച പിതാവ് അറസ്റ്റില്. സൗദി അറേബ്യയുടെ വടക്കന് പ്രവിശ്യയിലായിരുന്നു സംഭവം. ശിശുക്കളുടെ ക്ഷേമത്തിനായി പ്രവര്ത്തിക്കുന്ന ചൈല്ഡ് സപ്പോര്ട്ട് ഹോട്ട് ലൈനില് ലഭിച്ച അജ്ഞാത സന്ദേശമാണ് ഇയാളെ കുടുക്കിയത്.
സംഭവം അറിഞ്ഞതോടെ പോലീസ് വീട്ടിലെത്തി അന്വേഷണം ആരംഭിച്ചു. എട്ടു വയസ്സുകാരിയുടെ വിവാഹം ഉറപ്പിച്ചിരുന്നെന്നും വരന് 30 വയസ്സുകാരനാണെന്നും തെളിഞ്ഞു. ഇതോടെ പിതാവിനും വിവാഹത്തിനും കൂട്ടു നിന്ന മറ്റുള്ളവര്ക്കുമെതിരെ നടപടികള് ആരംഭിച്ചു. ബാലികയുടെ മറ്റൊരു സഹോദരിയെ കഴിഞ്ഞ വര്ഷം ചെറുപ്രായത്തില് വിവാഹം ചെയ്തു നല്കിയതായും പരാതിയുണ്ട്.
ഇതിലും അന്വേഷണം ആരംഭിച്ചു. 15 വയസ്സു മുതല് പെണ്കുട്ടികളെ വിവാഹം ചെയ്തു നല്കാന് സൗദിയില് സാധിക്കും. 15 വയസ്സായി എന്ന് തെളിയിക്കാന് വനിതാ സൈകാട്രിസ്റ്റ് ഉള്പ്പെടെയുള്ള വിദഗ്ദ സമിതിയുടെ മെഡിക്കല് റിപ്പോര്ട്ട് ഹാജരാക്കണം.
https://www.facebook.com/Malayalivartha
