ലിബിയയില്‍ മെഡിറ്ററേനിയന്‍ കടല്‍ത്തീരത്ത് വീണ്ടും അഭയാര്‍ഥി ബോട്ട് മുങ്ങി നൂറില്‍ അധികം ആളുകള്‍ മരിച്ചതായി സൂചന. ശനിയാഴ്ച വൈകിട്ടോടെ പതിമൂന്ന് മൃതദേഹങ്ങള്‍ കണ്ടെടുത്തു. നാലു പേരെ രക്ഷപ്പെടുത്തി കരയിലെത്തിച്ചതായി ഇറ്റാലിയന്‍ കോസ്റ്റ്ഗാര്‍ഡ് അറിയിച്ചു. രാത്രിയായതിനാല്‍ രക്ഷാപ്രവര്‍ത്തനം ബുദ്ധിമുട്ടിലാണ്. 90 പേരെ ഇനിയും കണ്ടെത്താനുണ്ടെന്നാണ് രക്ഷപ്പെട്ടവര്‍ നല്‍കുന്ന സൂചന. ലിബിയന്‍ തീരത്ത് ഇറ്റലിയിലേക്കു പോകുന്ന വഴിയായിരുന്നു അപകടം. കാണാതായവര്‍ക്കായി നിരവധി കപ്പലുകളും ഹെലിക്കോപ്റ്ററുകളും തെരച്ചില്‍ നടത്തുന്നുണ്ട്.