വടക്കന്‍ അഫ്ഗാനിസ്ഥാനിലെ സരിഫുല്‍ പ്രവിശ്യയിലെ ഗ്രാമത്തില്‍ ഭീകരര്‍ നടത്തിയ ആക്രമണത്തില്‍ സ്ത്രീകളും കുട്ടികളും ഉള്‍പ്പെടെ 50 പേര്‍ കൊല്ലപ്പെട്ടു. മിര്‍സാ ഒലാങ് ഗ്രാമത്തില്‍ അക്രമികള്‍ 30 വീടുകള്‍ക്കു തീ വെച്ചു. ഹസാര ഷിയാകള്‍ തിങ്ങിപ്പാര്‍ക്കുന്ന മേഖലയാണിത്. 

താലിബാന്‍, ഐഎസ് ഭീകരര്‍ അക്രമി സംഘത്തിലുണ്ടായിരുന്നതായി പ്രവിശ്യാ ഗവര്‍ണറുടെ വക്താവ് സബിബുള്ള അമാനി പറഞ്ഞു. മരണസംഖ്യ ഇനിയും ഉയരാന്‍ സാധ്യതയുണ്ട്. ഭീകരാക്രമണം നടന്ന മേഖലയിലേക്ക് കാബൂളില്‍നിന്നു യുദ്ധവിമാനം അയച്ചിട്ടുണ്ടെന്ന് അധികൃതര്‍ വ്യക്തമാക്കി.