പ്രശ്ത കൗണ്‍ട്രി ഗായകന്‍ ഗ്ലെന്‍ കാംബെല്‍(81) നിര്യാതനായി. ദീര്‍ഘകാലമായി അല്‍ഷിമേഴ്‌സ് ബാധിതനായിരുന്നു. യു.എസ് സംസ്ഥാനമായ ടെന്നിസിയിലെ നാഷ്‌വില്ലെയില്‍ ചൊവ്വാഴ്ച പകല്‍ 10ഓടെയാണ് മരണം നടന്നത്.

1975ല്‍ പുറത്തിറങ്ങിയ 'റൈന്‍സ്‌റ്റോണ്‍ കൗബോയ്' എന്ന ആല്‍ബമാണ് അദ്ദേഹത്തെ പ്രശ്‌സതിയുടെ കൊടുമുിയിലേക്ക് ഉയര്‍ത്തിയത്. 50 വര്‍ഷത്തെ സംഗീത ജീവിതത്തിനിടയില്‍ 70ലേറെ ആല്‍ബങ്ങള്‍ പുറത്തിറക്കിയിട്ടുണ്ട്.

1960-70 കാലഘട്ടത്തിലിറങ്ങിയ 'ജെഡില്‍ ഓണ്‍ മൈ മൈന്‍ഡ്', 'വിചിത ലൈന്‍മാന്‍', 'ഗ്ലാവ്‌സ്‌റ്റോണ്‍', 'കൗണ്‍ട്രി ബോയി', 'റൈന്‍സ്‌സ്‌റ്റോണ്‍ കൗബോയ്' തുടങ്ങിയ ആല്‍ബങ്ങള്‍ വന്‍ ഹിറ്റായിരുന്നു. 1967ല്‍ കൗണ്‍ട്രി, പോപ് കാറ്റഗറിയില്‍ നാല് ഗ്രാമി അവാര്‍ഡുകള്‍ നേടി ഗ്ലെന്‍ ചരിത്രം സൃഷ്ടിച്ചു.

നടനും ടി.വി അവതാരകനുമായിരുന്ന ഇദ്ദേഹം 'ദി ഗ്ലെന്‍ കാംബെല്‍ ഗുഡ്‌ടൈം അവര്‍' എന്ന ഷോയും അവതരിപ്പിച്ചിരുന്നു. കാംബെലിന്റെ ജീവിതവും അല്‍ഷിമേഴ്‌സുമായുള്ള പോരാട്ടവും വിവരിക്കുന്ന ഐ വില്‍ ബി മീ' എന്ന ഡോക്യൂമെന്ററി 2014ല്‍ പുറത്തിറങ്ങി. ഭാര്യ കിം കാംബെലും എട്ടു മക്കളും അടങ്ങുന്നതാണ് ഗ്ലെന്‍ കാംബെലിന്റെ കുടുംബം.