യുഎസില് പ്രവേശിച്ച ഇര്മ ചുഴലിക്കാറ്റിന്റെ വേഗം കുറഞ്ഞു; കനത്ത മഴയില് ഫ്ളോറിഡയുടെ വടക്കന് മേഖല പൂര്ണമായി വെള്ളത്തില്, നാടെങ്ങും കൊള്ള
സര്വനാശത്തിന്റെ ഭീകരാന്തരീഷ്ടം സൃഷ്ടിച്ചു യുഎസില് പ്രവേശിച്ച ഇര്മ ചുഴലിക്കാറ്റിന്റെ വേഗം മണിക്കൂറില് 110 കിലോമീറ്ററായി കുറഞ്ഞതോടെ ലോകം ആശ്വാസത്തിന്റെ നെടുവീര്പ്പിട്ടു. എന്നാല്, കനത്ത മഴയില് ഫ്ളോറിഡയുടെ വടക്കന് മേഖല പൂര്ണമായി വെള്ളത്തിലായി.
അറ്റ്ലാന്റയില് കാറ്റ് ശക്തമായതിനെ തുടര്ന്നു ഡെല്റ്റ എയര്ലൈന് 800 വിമാന സര്വീസുകള് റദ്ദാക്കി. യുഎസില് മൊത്തം 3582 വിമാന സര്വീസുകളാണ് ഇന്നലെ റദ്ദാക്കിയത്. മിയാമി വിമാനത്താവളം താല്ക്കാലികമായി അടച്ചു. ഫ്ളോറിഡയില് 62 ലക്ഷം വീടുകള് വൈദ്യുതിയില്ലാതെ ഇരുട്ടിലാണ്. ജോര്ജിയ, സൗത്ത് കാരലൈന എന്നിവിടങ്ങളിലും മിന്നല്പ്രളയ മുന്നറിയിപ്പുണ്ട്.
ജനം ഒഴിഞ്ഞുപോയതു മുതലെടുത്തു ഫ്ളോറിഡയില് മോഷണവും കൊള്ളയും പെരുകുന്നു. തെക്കന് ഫ്ളോറിഡയില് വീടു കൊള്ളയടിക്കാന് ശ്രമിച്ച കൗമാരക്കാരനെ പൊലീസ് വെടിവച്ചു. മിയാമിയില് 12 പേരുടെ സംഘം സൂപ്പര്മാര്ക്കറ്റില് നിന്നു സാധനങ്ങള് മോഷ്ടിക്കുന്ന ദൃശ്യങ്ങള് പുറത്തായി.
https://www.facebook.com/Malayalivartha
