പ്രവാസികള് ഭീതിയില്, ഞെട്ടി വിറച്ച് ഇറാഖ്... ഇറാഖിലും കുവൈത്തിലും ഭൂചലനം, ഷാര്ജയിലും അബുദാബിയിലും പ്രകമ്പനം, നിരവധി പേര് മരിച്ചു
ഇറാഖിലുണ്ടായ ശക്തമായഭൂചലനത്തില് നിരവധി പേര് മരിച്ചു. ഇറാഖ് അതിര്ത്തിയിലെ സല്മാനിയ ആണ് പ്രഭവകേന്ദ്രം. റിക്ടര് സ്കെയിലില് 7.3 തീവ്രത രേഖപ്പെടുത്തിയ ഭൂചലനമാണുണ്ടായത്.
കുവൈത്ത്, അബുദാബി, തുര്ക്കി, ലെബനാന് എന്നിവിടങ്ങളിലും തുടര്ചലനങ്ങള് അനുഭവപ്പെട്ടു. പ്രാദേശിക സമയം രാത്രി ഒന്പതരയോടെയാണ് കുവൈത്തിന്റെ വിവിധഭാഗങ്ങളില് ഭൂചലനം അനുഭവപ്പെട്ടത്. ആളപായം ഇതുവരെ റിപ്പോര്ട്ട് ചെയ്തിട്ടില്ല. ഇറാഖിലെ സുലൈമാനിയ പ്രഭവകേന്ദ്രമായി പ്രാദേശിക സമയം ഒമ്പതരയോടെയാണ് ഭൂചലനം ഉണ്ടായത്.
കുവൈത്തിന്റെ പല ഭാഗങ്ങളിലും ഷാര്ജയിലും അബുദാബിയിലും ദുബായിലും പ്രകമ്പനം അനുഭവപ്പെട്ടു. ഇറാന് ദുരന്തനിവാരണ സമിതി സ്ഥിരീകരിച്ച റിപ്പോര്ട്ട് അനുസരിച്ച് അതിര്ത്തി പ്രദേശങ്ങളില് 100 പേര് കൊല്ലപ്പെടുകയും ആയിരത്തോളം പേര്ക്ക് പരിക്കേല്ക്കുകയും ചെയ്തിട്ടുണ്ട്.
ഇറാനില് അനുഭവപ്പെട്ട ഭൂചലനത്തില് എട്ടു ഗ്രാമങ്ങളില് കനത്ത നാശനഷ്ടമുണ്ടായതായി റിപ്പോര്ട്ടുണ്ട്.
https://www.facebook.com/Malayalivartha