ബ്രിട്ടീഷ് പ്രധാനമന്ത്രി തെരേസ മേയുടെ നേരെയുള്ള വധശ്രമം പൊളിച്ചു. ഡൗണിങ് സ്ട്രീറ്റില്‍ പ്രധാനമന്ത്രിയുടെ ഓഫീസിന് മുന്നില്‍ വച്ച്‌ ചാവേറാക്രമണം നടത്തി മേയെ വധിക്കുവാന്‍ തീവ്ര ഇസ്ലാമിക സ്വഭാവമുള്ള സംഘടന തയ്യാറെടുക്കുന്നു എന്ന സൂചന ലഭിച്ചിരുന്നു. ഇതിനെത്തുടര്‍ന്ന് രണ്ട് പേരെ പോലീസ് അറസ്റ്റ് ചെയ്യുകയായിരുന്നു.

പ്രധാനമന്ത്രിയുടെ ഓഫീസിന് സമീപത്ത് സ്ഫോടനം നടത്തിയ ശേഷം കെട്ടിടത്തിനകത്ത് അതിക്രമിച്ച്‌ കടന്ന് മേയെ വധിക്കുവാനായിരുന്നു ഇവരുടെ പദ്ധതിയെന്ന് പോലീസ് പറയുന്നു. പിടിയിലായ രണ്ടു പേരുടെ പിന്നാലെ രണ്ടാഴ്ചയായി പോലീസുണ്ടായിരുന്നു.
കഴിഞ്ഞ മാസം 28ന് തന്നെ 20കാരനായ നയീമുര്‍ റഹ്മാന്‍, 21 കാരനായ മുഹമ്മദ് ആഖിബി ഇമ്രാന്‍ എന്നിവരെ അറസ്റ്റ് ചെയ്തിരുന്നു. മേയുടെ ഓഫീസിന് മുന്നില്‍ വച്ച്‌ തന്നെയാണ് ഇരുവരേയും പിടികൂടിയത്. ഭീകരവാദം അടക്കമുള്ള കേസകള്‍ ഫയല്‍ ചെയ്തിരിക്കുന്നത്.ഇത്തരത്തില്‍ ബ്രിട്ടനിലെ ഇന്റലിജന്‍സ് ബ്യൂറോയായ എംഐ5 ഒമ്ബത് ഭീകരാക്രമണമാണ് പൊളിച്ചത്.