മുറിയില് മലവിസര്ജനം നടത്തി, കുടിക്കാന് വെള്ളം നല്കിയില്ല, വൃത്തിഹീനമായ മുറിയില് പൂട്ടിയിട്ടു...മുറിയില് ബന്ദികളാക്കപ്പെട്ട അഞ്ച് കുട്ടികള് പറയുന്നതിങ്ങനെ
വൃത്തിഹീനമായ മുറിയില് ബന്ദികളാക്കപ്പെട്ട കുട്ടികള് കിടന്നത് ഒരാഴ്ച്ച. ഇവരുടെ രക്ഷിതാക്കളാണ് ഇവരെ ബന്ദികളാക്കിയത്.
ഇവര്ക്ക് കഴിക്കാന് ഭക്ഷണം നല്കുകയോ കുടിക്കാന് വെള്ളം നല്കുകയോ ചെയ്തില്ല.മുറിയില് തന്നെ ഇവര് മലവിസര്ജനം നടത്തി.മുറിയില് മുഴുവനും പാറ്റകളും എലികളും മാത്രമായിരുന്നു.ഇവര് ഉച്ചത്തില് വിളിച്ചെങ്കില് ഈ അഞ്ച് കുട്ടികളെ രക്ഷിക്കാന് ആരും വന്നില്ല.
പടിഞ്ഞാറന് ബ്രസീലിലെ ഒരു നഗരത്തിലായിരുന്നു ഈ ഞെട്ടിക്കുന്ന സംഭവം അരങ്ങേറിയത്. അത്യന്തം വൃത്തിഹീനമായ ഒരു മുറിയിലായിരുന്നു കുട്ടികളെ ഇവര് ബന്ധികളാക്കിയിരുന്നത്. ആവശ്യമായ ഭക്ഷണവും ഇവര്ക്ക് വീട്ടുകാര് നല്കുന്നുണ്ടായിരുന്നില്ല.
കുട്ടികള് ജനല് വഴി പുറത്തേക്കെറിഞ്ഞ കടലാസ് കുറിപ്പുകളിലൂടെയാണ് ദുരിത കഥ അയല്ക്കാര് അറിയാന് ഇട വരുന്നത്. അയല്ക്കാര് ഇക്കാര്യം പൊലീസിനെ അറിയിക്കുകയായിരുന്നു. തുടര്ന്നാണ് പൊലീസെത്തി കുട്ടികളെ രക്ഷിച്ചത്. പൊലീസ് വരുമ്പോള് വീട്ടുകാര് ഭക്ഷണം കഴിച്ച് കൊണ്ടിരിക്കുകയായിരുന്നു.
മോചിപ്പിക്കുമ്പോള് കുട്ടികള് ഏറെ ക്ഷീണിതരായിരുന്നു. ഇവരെ പിന്നീട് പൊലീസ് ശിശുസംരക്ഷണ സമിതിയില് ഏല്പ്പിച്ചു. വീട്ടുകാര് എന്തിനാണ് ഇവരെ ഇത്തരത്തില് ബന്ധികളാക്കിയത് എന്നതിന് പിന്നിലെ കാരണം വ്യക്തമല്ല.
https://www.facebook.com/Malayalivartha
