റോബോട്ടുകള്‍ എപ്പോഴും ഗുണം മാത്രമേ ചെയ്തിട്ടുള്ളവെങ്കിലും മറ്റൊരു വശം കൂടിയുണ്ടെന്ന് ശാസ്ത്രലോകം പറയുന്നു.റോബോട്ടുകള്‍ എന്നും അതിശയിപ്പിക്കുന്ന യന്ത്രമാണ്.എന്നാല്‍ റോബോട്ടുകള്‍ മനുഷ്യരെപ്പോലെ സ്വാഭാവിക ബുദ്ധി കൈവരിക്കുന്ന കാലം വിദൂരമല്ലെന്നാണ് ശാസ്ത്രലോകം വിലയിരുത്തു. മനുഷ്യസാധ്യമല്ലാത്ത കാര്യങ്ങളെല്ലാം ഇനി യന്ത്രമനുഷ്യര്‍ നടപ്പാക്കും.

അതോടൊപ്പം വലിയൊരു ഭീഷണിയും ഉയര്‍ന്നുവരുന്നുണ്ട്. റോബോട്ടുകള്‍ ലോകം പിടിച്ചെടുക്കുകയും മനുഷ്യകുലത്തെ കൊന്നൊടുക്കുകയും ചെയ്യുന്ന കാലവും സംഭവിച്ചേക്കാം. യന്ത്രങ്ങള്‍ക്ക് മനുഷ്യരുടെ ബുദ്ധി കൈവരുന്ന കാലം വിദൂരമല്ലെന്ന് വിഖ്യാത ശാസ്ത്രജ്ഞന്‍ സ്റ്റീഫന്‍ ഹോക്കിങ് അടക്കമുള്ളവര്‍ പറയുന്നു.

ഓക്കലഹാമ സ്‌റ്റേറ്റ് യൂണിവേഴ്‌സിറ്റിയിലെ ഇലക്ട്രിക്കല്‍ ആന്‍ഡ് കംപ്യൂട്ടര്‍ എന്‍ജിനീയറിങ് പ്രൊഫസ്സറായ സുഭാഷ് കക്കിന്റെ അഭിപ്രായത്തില്‍ റോബോട്ടുകള്‍ സ്വാഭാവിക ബുദ്ധി കൈവരിക്കുന്നത് ഒരേ സമയം നേട്ടവും അപകടവും നിറഞ്ഞതാണ്. െ്രെഡവറില്ലാതെ പ്രവര്‍ത്തിക്കുന്ന കാറുകളും മറ്റും ഇപ്പോള്‍ത്തന്നെയുണ്ട്. എന്നാല്‍, പരിസരം മനസ്സിലാക്കി അതനുസരിച്ച് പ്രതികരിക്കുന്ന യന്ത്രങ്ങളാവും ഭാവിയുലുണ്ടാവുകയെന്ന് അദദ്ദേഹം പറയുന്നു.

പുതിയ വിവരങ്ങള്‍ ശേഖരിച്ചുവെക്കാനും പഴയവ മാറ്റാനും ശേഷിയുള്ള യന്ത്രങ്ങളാവു ഭാവിയിലുണ്ടാവുക. അത് സാധ്യമായാല്‍ സ്വാഭാവിക ബുദ്ധിയുള്ള യന്ത്രമനുഷ്യര്‍ ഉണ്ടാവും. മനുഷ്യരെക്കാള്‍ കൂടുതല്‍ അറിവുകള്‍ ശേഖരിച്ചുവെക്കാനും അത് സാഹചര്യത്തിനനുസരിച്ച് പ്രയോഗിക്കാനും യന്ത്രങ്ങള്‍ക്കാവും. നിമിഷങ്ങള്‍ക്കകം വിവരങ്ങള്‍ ശേഖരിച്ച് അതനുസരിച്ച് പ്രവര്‍ത്തനങ്ങള്‍ ഏകോപിപ്പിക്കാനും യന്ത്രമനുഷ്യര്‍ക്കാവും.

റോബോട്ടുകളെ വിവിധ മേഖലകളില്‍ നിയോഗിക്കാനും ഇതിലൂടെ സാധിക്കും. മനുഷ്യര്‍ക്ക് കടന്നുചെല്ലാന്‍ സാധിക്കാത്ത ഇടങ്ങളില്‍ മനുഷ്യനെക്കാള്‍ അപഗ്രഥന ശേഷിയുള്ള റോബോട്ടുകളെത്തുമ്‌ബോള്‍ അത് പുതിയ വിവരങ്ങള്‍ മനുഷ്യന് സമ്മാനിക്കുകയും ചെയ്യും. ഇതോടൊപ്പം റോബോട്ടുകള്‍ വരുത്തുന്ന കുറ്റകൃത്യങ്ങളും വര്‍ധിക്കും. റോബോട്ടിന്റെ പ്രോഗ്രാമിങ്ങിലെ പിഴവുമൂലം ഒരാള്‍ മരിച്ചാല്‍ ആരാണ് ഉത്തരവാദിയെന്ന ചോദ്യവും ഇതോടൊപ്പം ശക്തിപ്പെടുന്നുണ്ട്..

2016ല്‍ ഹ്യൂമന്‍ റൈറ്റ്‌സ് വാച്ച് ഈ പ്രശ്‌നത്തിന് നല്‍കിയ ഉത്തരം വിചിത്രമാണ്. റോബോട്ടുകള്‍ വരുത്തുന്ന പിഴവുകളിലൂടെ ഒരാള്‍ക്ക് ജീവഹാനി സംഭവിച്ചാലും ആരും ഉത്തരവാദിയില്ലെന്നാണ് ഹ്യൂമന്‍ റൈറ്റ്‌സ് വാച്ച് പറയുന്നത്. ഇത് അപകടകരമായ സാഹചര്യമാണ്. കില്ലര്‍ റോബോട്ടുകളെ ഉണ്ടാക്കി ആളുകളെ കൊല്ലാന്‍ നിയോഗിച്ചാല്‍ എന്താവും സ്്ഥിതിയെന്ന് ശാസ്ത്രലോകം ആശങ്കപ്പെടുന്നുണ്ട്. സ്വാഭാവിക ബുദ്ധി കൈവരിക്കുന്ന റോബോട്ടുകള്‍ മനുഷ്യര്‍ക്കുനേരെ തിരിഞ്ഞാലോ എന്ന ചോദ്യവും ശേഷിക്കുന്നു.

റോബോട്ടുകള്‍ മനുഷ്യരെ പോലെ ചിന്തിക്കുകയും പ്രവര്‍ത്തിക്കുകയും ചെയ്യുന്ന കാലം വിദൂരമല്ല എന്ന് ശാസ്ത്രലോകം തന്നെ അടുത്തിടെ സമ്മതിച്ചിരുന്നു. മനുഷ്യര്‍ ചെയ്യുന്നതെന്തും റോബോട്ടുകള്‍ ഏറ്റെടുക്കുന്ന ഒരു കാലമാകും ഇനി വരിക. അതിനിതാ ഒരു ഉദാഹരണം.

ഇത് സോഫിയ, ഇവളൊരു സ്ത്രീയല്ല ഒരു റോബോട്ട് ആണ്. മനുഷ്യരെപ്പോലെ ചുണ്ടുകോട്ടുകയും കണ്ണടയ്ക്കുകയും ചിരിക്കുകയും ചുണ്ടനക്കി വര്‍ത്തമാനം പറയുകയും ചെയ്യാന്‍ ഇവള്‍ക്ക് കഴിയും. ബിബി സി ചാനലിന്റെ ബീയിംഗ് ഹുമന്‍ സീസണ്‍ന്റെ അടുത്ത അവതാരിയാണ് ഈ സുന്ദരി എന്ന് പറഞ്ഞാല്‍ വിശ്വസിക്കുമോ ? എങ്കില്‍ അതാണ് സത്യം. അവതാരകരുടെ സ്ഥാനം വരെ ഇനി റോബോട്ടുകള്‍ ഏറ്റെടുക്കുന്ന കാലം വരുന്നു.

ചിന്തിക്കാനും ചിന്തയ്‌ക്കൊത്തു പ്രവര്‍ത്തിക്കാനും ആര്‍ട്ടിഫിഷ്യല്‍ ഇന്റലിജന്‍സിലൂടെ ലഭിച്ച ശേഷിയാണ് ഇക്കാലമത്രയും വികസിപ്പിച്ച റോബോട്ടുകളില്‍നിന്നു സോഫിയയെ വേറിട്ട് നിര്‍ത്തുന്നത്. ഹാന്‍സന്‍ റോബോട്ടിക്‌സ് വികസിപ്പിച്ച കാരക്ടര്‍ എന്‍ജിന്‍ ആര്‍ട്ടിഫിഷ്യല്‍ ഇന്റലിജന്‍സാണ് സോഫിയക്ക് വ്യക്തിത്വമുണ്ടാക്കിയത്. മനുഷ്യന്റെ വൈകാരിക പ്രതികരണങ്ങള്‍ നടത്താന്‍ കഴിയുന്ന രീതിയിലാണ് കൃത്രിമ മനുഷ്യനെ ഹാന്‍സന്‍ വികസിപ്പിക്കുന്നത്.

സോഫിയുടെ മുഖം കണ്ടാല്‍ മനുഷ്യ സ്ത്രീയെപ്പോലെ തന്നെയിരിക്കും. പക്ഷെ തലയുടെ പിന്‍വശത്തു യന്ത്രങ്ങളും ചിപ്പുകളും വയറുകളുമെല്ലാം ഉണ്ടാകും. സിലിക്കോണ്‍ സ്‌കിന്‍ ആണ് സോഫിയയെ സുന്ദരിയാക്കുന്നത്. കണ്ണുകളില്‍ സ്ഥാപിച്ചിരിക്കുന്ന കാമറയാണ് കാഴ്ചകള്‍ ഒപ്പിയെടുക്കുന്നത്. ഇതു ചിപ്പുകളടങ്ങിയ കൃത്രിമ ബുദ്ധി സംവിധാനം തിരിച്ചറിയും.