സാഹസികത ക്യാമറയിൽ പകർത്തി അത് യൂടൂബിൽ അപ്‌ലോഡ് ചെയ്യുന്നതാണ് പെ​ഡ്രോ റൂ​യി​സ് എന്ന 22 കാരന്റെ വിനോദം. ഇയാൾ കാമുകിയായ മോ​ണോ​ലി​സ പെ​ര​സിനെക്കൊണ്ട് റൂയിസിനെ വെടി വയ്ക്കുന്ന ദൃശ്യങ്ങൾ പകർത്തി യൂടൂബിലിടാൻ തീരുമാനിച്ചു. എന്നാൽ സാഹസികത അൽപ്പം കടന്നുപ്പോയി. ക​ട്ടി​യു​ള്ള പു​സ്ത​കം നെ​ഞ്ചി​ൽ ഒ​ളി​പ്പി​ച്ചാ​ണ് റൂ​യി​സ് വെ​ടി​യേ​ൽ​ക്കാ​ൻ നി​ന്നു​കൊ​ടു​ത്ത​ത്. റൂ​യി​സ് പ​റ​ഞ്ഞ​തുപോലെ മോ​ണോ​ലി​സ വെ​ടി​വ​ച്ചു. എ​ന്നാ​ൽ ഇ​വ​രു​ടെ ക​ണ​ക്കു​കൂ​ട്ട​ലു​ക​ൾ തെ​റ്റി​ച്ച് വെ​ടി​യു​ണ്ട പു​സ്ത​കം തു​ള​ച്ച് റൂ​യി​സി​ന്‍റെ നെ​ഞ്ചി​ൽ ത​റ​ച്ചു​ക​യ​റി. റൂ​യി​സ് സം​ഭ​വ​സ്ഥ​ല​ത്തു ത​ന്നെ മ​രി​ക്കുകയും ചെയ്തു. യു​എ​സി​ലെ മി​ന​സോ​ട്ട​യി​ലാ​യി​രു​ന്നു സം​ഭ​വം.

കാമുകനെ വെടി വച്ച് കൊന്നതിന് കേ​സി​ൽ മോ​ണാ​ലി​സ പെ​ര​സ് കു​റ്റ​ക്കാ​രി​യാ​ണെ​ന്ന് കോ​ട​തി ക​ണ്ടെ​ത്തി. വ​രു​ന്ന ഫെ​ബ്രു​വ​രി​യി​ൽ ശി​ക്ഷ വി​ധി​ക്കും. സം​ഭ​വം ന​ട​ക്കു​മ്പോ​ൾ റൂ​യി​സി​ന്‍റെ ര​ണ്ടാ​മ​ത്തെ കു​ട്ടി​യെ മോ​ണോ​ലി​സ ഗ​ർ​ഭം​ധ​രി​ച്ചി​രി​ക്കു​ക​യാ​യി​രു​ന്നു.

ഇ​രു​വ​രു​ടേ​യും മൂ​ത്ത​കു​ട്ടി​യാ​യ മൂ​ന്നു​വ​യ​സു​കാ​ര​ൻ നോ​ക്കി​നി​ൽ​ക്കെ​യാ​ണ് ദു​ര​ന്തം സം​ഭ​വി​ച്ച​ത്. സാ​ഹ​സി​ക ദൃ​ശ്യ​ങ്ങ​ൾ പ​ക​ർ​ത്തി യു​ടൂ​ബ് ചാ​ന​ലി​ൽ പോ​സ്റ്റ് ചെ​യ്യു​ന്ന​താ​യി​രു​ന്നു റൂ​യി​സി​ന്‍റെ വി​നോ​ദം. മ​ര​ത്തി​നു മു​ക​ളി​ൽ​നി​ന്നും താ​ഴേ​യ്ക്കു ചാ​ടു​ക, വീ​ടി​നു മു​ക​ളി​ൽ​നി​ന്നും നീ​ന്ത​ൽ​ക്കു​ള​ത്തി​ലേ​ക്ക് ചാ​ടു​ക തു​ട​ങ്ങി നി​ര​വ​ധി സാ​ഹ​സി​ക ദൃ​ശ്യ​ങ്ങ​ളാ​ണ് റൂ​യി​സ് ചി​ത്രീ​ക​രി​ച്ച​ത്. ഞെ​ട്ട​ക്കു​ന്നൊ​രു ദൃ​ശ്യ​മാ​ണ് അ​ടു​ത്ത​താ​യി ന​ൽ​കു​ന്ന​തെ​ന്ന് റൂ​യി​സ് ട്വി​റ്റ​റി​ൽ അ​റി​യ​തി​ച്ച​തി​നു ശേ​ഷ​മാ​ണ് വെ​ടി​വ​യ്പി​നൊ​രു​ങ്ങി​യ​ത്.