ഗാസാ അതിർത്തിയിൽ ഇസ്രായേൽ നടത്തിയ ആക്രമണത്തിൽ രണ്ട് പലസ്തീനികൾ കൊല്ലപ്പെട്ടു. അമേരിക്കൽ പ്രസിഡന്‍റ് ഡൊണാൾഡ് ട്രംപിന്‍റെ ജറുസലം പ്രഖ്യാപനത്തേത്തുടർന്നുണ്ടായ പ്രതിഷേധത്തിന്റേതാണ് ഗാസ ആക്രമണം.

പലസ്തീൻ ആരോഗ്യമന്ത്രാലയം ഇത് സംബന്ധിച്ച വിവരം പുറത്തുവിടുകയായിരുന്നു. ട്രംപിന്‍റെ പ്രഖ്യാപനത്തിനെതിരെ ഐക്യരാഷ്ട്രസഭ കഴിഞ്ഞ ദിവസം പ്രമേയം പാസാക്കിയിരുന്നെങ്കിലും യുഎൻ പ്രമേയം അംഗീകരിക്കാനാവില്ലെന്ന് ഇസ്രയേലും വ്യക്തമാക്കിയതിന് പിന്നാലെയാണ് ഗാസയിൽ ആക്രമണമുണ്ടായത്. 2,000ലേറെ വരുന്ന പലസ്തീനികളാണ് പ്രകോപനം സൃഷ്ടിച്ചതെന്ന് ഇസ്രയേൽ സൈനിക വൃത്തങ്ങൾ അറിയിച്ചു.