പെന്‍സില്‍വാനിയയിലെ എറി നഗരത്തില്‍ ഇത്തവണ 60 ഇഞ്ച് കനത്തിലാണ് മഞ്ഞ് പെയ്തിറങ്ങിയത്. മുൻപത്തെ അപേക്ഷിച്ച് ഇത്തവണ റെക്കോർഡ് ഹിമവര്‍ഷമായിരുന്നു. കാറുകളും വീടുകളുമൊക്കെ മഞ്ഞില്‍ മൂടിയ അവസ്ഥയാണ്. 

ക്രിസ്മസ് ദിനത്തില്‍ മാത്രം എറി നഗരത്തില്‍ 34 ഇഞ്ച് കനത്തില്‍ മഞ്ഞു വീഴ്ച്ചയുണ്ടായതായി നാഷണല്‍ വെതര്‍ സെന്റര്‍ റിപ്പോർട്ട് ചെയ്യുന്നു. ഇതിനു മുൻപ് 1956 ല്‍ ആൺ ഇത്തരത്തിൽ മഞ്ഞു വീഴ്ചയുണ്ടായത് ഒരു ദിവസം 22 ഇഞ്ച് കനത്തിലാണ് അന്നത്തെ മഞ്ജു വീഴ്ച്ച. ഞായറാഴ്ച തുടങ്ങിയ മഞ്ഞുവീഴ്ചയെ തുടര്‍ന്ന് നഗരത്തില്‍ എമര്‍ജന്‍സി പ്രഖ്യാപിച്ചിരിക്കുകയാണ്.

റോഡുകളിലെ യാത്ര അതീവ അപകടകരമാണെന്ന് പോലീസ് മുന്നറിയിപ്പ് നല്‍കിയിട്ടുണ്ട്. ന്യൂയോര്‍ക്ക്, നോര്‍ത്തേണ്‍ ഒഹായോ, നോര്‍ത്തേണ്‍ മിഷിഗണ്‍ തുടങ്ങിയ സ്ഥലങ്ങളിലും കനത്ത മഞ്ഞുവീഴ്ച അനുഭവപ്പെടുന്നുണ്ട്. എറി അന്താരാഷ്ട്ര വിമാനത്താവളത്തിലേക്കുള്ള പല വിമാന സര്‍വീസുകളും റദ്ദാക്കി.