രാജ്യത്ത് പുതിയ തൊഴിലവസരങ്ങൾ സൃഷ്ടിക്കപ്പെടുന്നില്ലെന്നും ഇതിനു ഉത്തരവാദികൾ കേന്ദ്രസർക്കാരാണെന്നും കോൺഗ്രസ് അധ്യക്ഷൻ രാഹുൽ ഗാന്ധി. ബഹ്റിനിലെത്തിയ രാഹുൽ അവിടുത്തെ ഇന്ത്യൻ വംശജരെ അഭിസംബോധന ചെയ്തു സംസാരിക്കവെയാണ് ഇക്കാര്യങ്ങൾ പറഞ്ഞത്.

എട്ടുവർത്തിനിടയിലെ ഏറ്റവും കുറഞ്ഞനിരക്കാണ് തൊഴിലവസരങ്ങളുടെ കാര്യത്തിൽ ഇപ്പോഴുള്ളതെന്നു അദ്ദേഹം പറഞ്ഞു. തൊഴിലവസരങ്ങൾ, ആരോഗ്യം, വിദ്യാഭ്യാസം എന്നിവയെക്കുറിച്ചൊന്നുമല്ല രാജ്യം ഇപ്പോൾ ചർച്ച ചെയ്യുന്നതെന്നും എന്ത് കഴിക്കണം, എന്തിന് പ്രതിഷേധിക്കണം, എന്ത് പറയാം അല്ലെങ്കിൽ പറയാതിരിക്കാം തുടങ്ങിയവയിലൊക്കെ ചുരുങ്ങിയെന്നും രാഹുൽ പറഞ്ഞു.

ചൈന‍യിൽ 24 മണിക്കൂറിൽ 50,000 തൊഴിലവസരങ്ങൾ സൃഷ്ടിക്കപ്പെടുമ്പോൾ ഇന്ത്യയിൽ ഇത് 400എണ്ണം മാത്രമാണെന്നും അദ്ദേഹം പറഞ്ഞു. കോൺഗ്രസ്​ അധ്യക്ഷനായി തിരഞ്ഞെടുക്കപ്പെട്ട ശേഷമുള്ള രാഹുലിന്‍റെ ആദ്യ വിദേശ സന്ദർശനമാണിത്.