ലണ്ടൻ: ഭർത്താവിന് കാമുകിയുണ്ടെങ്കിൽ അതറിഞ്ഞു കഴിഞ്ഞ ഭാര്യയ്ക്ക് ചെയ്യാൻ മടിയിലല്ലാത്തയി എന്തെങ്കിലും ഉണ്ടോ? എങ്കിൽ അത്തരത്തിലൊരു സംഭവം അരങ്ങേറിയത് അങ്ങ് ലണ്ടനിലാണ്. തന്നെ വഞ്ചിച്ച ഭര്‍ത്താവിന്റെ കള്ളത്തരങ്ങള്‍ കയ്യോടെ പിടികൂടിയ ഭാര്യയയാണ് സോഷ്യൽ മീഡിയയിലെ ഇപ്പോഴത്തെ തരംഗം. കാമുകിക്കൊപ്പം പോയ ഭര്‍ത്താവിനെ 150 മൈലുകളോളം ദൂരം പിന്തുടര്‍ന്ന് കയ്യോടെ പിടികൂടിയാണ് ഭാര്യ തന്റെ പ്രതികാരം തീർത്തത്. നോര്‍ത്താംപ്ടണ്‍ ഷെയറിലെ വെല്ലിങ്ബറോയില്‍ നിന്നും യാത്ര തിരിച്ച യുവാവിനേയും കാമുകിയെയും ഡോവറിലെത്തിയപ്പോള്‍ ഹോട്ടലിന് മുമ്പില്‍ വഴി തടഞ്ഞു ഭാര്യയും അമ്മായിയമ്മയും ചേര്‍ന്ന് പിടികൂടി.

കയ്യോടെ പിടി കൂടാനായി ഭാര്യയുടെ അമ്മായിയമ്മ പകർത്തിയ ദൃശ്യങ്ങൾ ഇപ്പോൾ സാമൂഹ്യ മാധ്യമങ്ങളിലെ വൈറൽ ആയിക്കഴിഞ്ഞു. വീഡിയോ ഇട്ടു മണിക്കൂറുകൾക്കകം തന്നെ ഒരു ലക്ഷത്തിലധികം പേരാണ് വീഡിയോ കണ്ടതും അഭിപ്രായങ്ങൾ രേഖപ്പെടുത്തിയതും. വീഡിയോ കണ്ടവരില്‍ ഭൂരിഭാഗം പേരും യുവാവിനെ രൂക്ഷമായ ഭാഷയില്‍ കുറ്റപ്പെടുത്തിയിട്ടുണ്ട്.

രണ്ട് പെണ്‍മക്കളുള്ള ഭര്‍ത്താവിന് മറ്റൊരു സ്ത്രീയുമായി ബന്ധമുണ്ടെന്ന് നേരത്തെ സംശയം തോന്നിയിരുന്ന ഭാര്യ തന്റെ അമ്മയുടെ സഹായത്തോടെ അയാളെ നീരീക്ഷിക്കുകയും കൈയോടെ പിടികൂടുകയുമായിരുന്നു. ഹോട്ടലിന് മുന്നില്‍ വച്ച് ഭര്‍ത്താവിനെയും കാമുകിയെയും ആക്രമിക്കാൻ ഭാര്യ ശ്രമിക്കുന്നതും, ഭാര്യ ഭര്‍ത്താവിന്റെ നേരെ ശബ്ദമുയര്‍ത്തി ആക്രോശിച്ച് വിരല്‍ ചൂണ്ടുന്നതും,അമ്മായിയമ്മ ശബ്ദമുയര്‍ത്തി യുവാവിനെ വഴക്കുപറയുന്നതും ദൃശ്യങ്ങളിൽ കാണുവാൻ കഴിയും.

കള്ളത്തരങ്ങള്‍ കയ്യോടെ പിടികൂടിയിട്ടും താന്‍ നിഷ്‌കളങ്കനാണെന്ന് സ്ഥാപിക്കാനാണ് യുവാവ് ശ്രമിക്കുന്നത്.
എന്നാൽ അതൊന്നും തന്നെ വകവയ്ക്കാതെ അവിടെ നിന്നും ദേഷ്യത്തോടെ പോകാനൊരുങ്ങിയ ഭാര്യയുടെ അടുത്തേക്ക് ഭര്‍ത്താവ് ഓടാനൊരുങ്ങിയപ്പോള്‍ കാമുകിക്കൊപ്പം പോകാനായിരുന്നു ഭാര്യയുടെ ആക്രോശം. തുടര്‍ന്ന് ഇയാള്‍ ഭാര്യയെ പിന്തുടര്‍ന്ന് കൈപിടിക്കാന്‍ ശ്രമിച്ചപ്പോള്‍ താന്‍ പൊലീസിനെ വിളിക്കുമെന്നും ഭാര്യ ഭീഷണി മുഴക്കുന്നുണ്ട്.