ബാത്ത്‌റൂമില്‍ ശ്വാസം കിട്ടാതെ പിടയുന്ന അമ്മയെ സാക്ഷിയാക്കി മകന്‍ വിവാഹം കഴിച്ചു. അമേരിക്കയിലെ ന്യൂജേഴ്‌സിയിലാണ് ഈ വിചിത്ര വിവാഹം നടന്നത്. മോണോമൗത്ത് കൗണ്ടി കോര്‍ട്ട്ഹൗസില്‍ വെച്ച് ബ്രയാനും മരിയ ഷുല്‍സും തമ്മിലുള്ള വിവാഹ ചടങ്ങുകള്‍ ആരംഭിക്കാനിരിക്കേയാണ് ബ്രയാന്റെ അമ്മക്ക് ശ്വാസതടസ്സം അനുഭവപ്പെട്ടത്.

തുടര്‍ന്ന് ഇവരെ ഓക്‌സിജന്‍ സിലിണ്ടറിന്റെ സഹായത്തോടെ ബാത്തുറൂമില്‍ കിടത്തി കോര്‍ട്ട്ഹൗസിലെ ജീവനക്കാര്‍ ആബുലന്‍സ് വിളിച്ചു. എന്നാല്‍ രോഗിയുടെ നില നിമിഷം കഴിയും തോറും മോശമായി കൊണ്ടേയിരിക്കുകയായിരുന്നു.

കോടതി വഴിയുള്ള ഉടമ്പടികള്‍ പ്രകാരമാണ് ഈ മേഖലകളില്‍ വിവാഹങ്ങള്‍ സാധാരണയായി നടക്കാറുള്ളത്. ഉടമ്പടിയില്‍ വരന്റെ അമ്മ സാക്ഷിയായതിനാല്‍ ഇവരുടെ സാന്നിദ്ധ്യം വിവാഹത്തിന് അത്യാവിശ്യമായിരുന്നു. കൂടാതെ ഈ ദിവസം വിവാഹം നടന്നില്ലായെങ്കില്‍ ഇരുവര്‍ക്കും വീണ്ടും 45 ദിവസത്തോളം കോടതി അനുമതിക്കായി കാത്തിരിക്കേണ്ടി വരും.

തുടര്‍ന്ന് ഇരു വീട്ടുകാരും വിവാഹം രോഗിയുടെ സാന്നിദ്ധ്യത്തില്‍ ബാത്ത് റൂമില്‍ വെച്ച് നടത്താം എന്ന് തീരുമാനത്തില്‍ എത്തുകയായിരുന്നു. അങ്ങനെ വരനും വധുവും അമ്മയുടെയും ബന്ധുക്കളുടെയും ജഡ്ജിയുടെയും സാന്നിദ്ധ്യത്തില്‍ വിവാഹിതരാവുകയായിരുന്നു.