ജയിൽ ചാടുന്നത് സാധാരണ നടക്കാൻ സാധ്യതയുള്ള സംഭവമാണ്. എന്നാൽ ജയിൽ ചാടിയിട്ട് തിരിച്ചു കയറിയാൽ എങ്ങനെയിരിക്കും. അത്തരത്തിലുള്ള ഒരു സംഭവമാണ് അ​മേ​രി​ക്ക​യി​ലു​ള്ള ടെ​ക്സ​സി​ലെ ബോ​മോ​ണ്ട് ജ​യി​ലി​ൽ അരങ്ങേറിയത്.

ക​ഞ്ചാ​വുക​ട​ത്തു ​കേ​സി​ൽ ബോ​മോ​ണ്ട് ജ​യി​ലി​ൽ ശി​ക്ഷ അ​നു​ഭ​വി​ക്കു​ക​യാ​യി​രു​ന്നു ജോ​ഷ്വ ഹാ​ൻ​സ​ൻ എ​ന്ന ഇ​രു​പ​ത്ത​ഞ്ചു​കാ​ര​നാണു ഈ സാഹസത്തിനു മുതിർന്നത്. ജ​യി​ലി​ലെ ഭ​ക്ഷ​ണം ക​ഴി​ച്ചു മ​ടു​ത്ത​പ്പോ​ൾ ഇയാൾ ആ​രും കാ​ണാ​തെ ജ​യി​ൽ ചാ​ടി. ജോ​ഷ്വ ജ​യി​ൽ​ചാ​ടി​യ വി​വ​രം ജ​യി​ൽ അ​ധി​കൃ​ത​രോ മ​റ്റു ത​ട​വു​കാ​രോ അറിഞ്ഞിരുന്നില്ല. ജ​യി​ൽ ചാ​ടി​യ ജോ​ഷ്വ നേ​രേ പോ​യ​ത് അ​ടു​ത്തു​ള്ള ഒ​രു ക​ർ​ഷ​ക​ന്‍റെ ഫാ​മി​ലേ​ക്കാ​ണ്.

വീ​ടു കു​ത്തി​ത്തു​റ​ന്ന് അ​ടു​ക്ക​ള​യി​ൽ ക​യ​റി അ​വി​ടെ ത​യാ​റാ​ക്കിവ​ച്ചി​രു​ന്ന ഭ​ക്ഷ​ണ​മെ​ല്ലാം ഒ​രു ബാ​ഗി​ൽ നി​റ​ച്ചു. പി​ന്നെ ഫ്രി​ഡ്ജി​ലു​ണ്ടാ​യി​രു​ന്ന മ​ദ്യ​ക്കു​പ്പി​ക​ളും ബാ​ഗി​ലേ​ക്കു മാ​റ്റി. ഇ​തെ​ല്ലാം ചു​മ​ന്ന് ജോ​ഷ്വ തി​രി​ച്ച് ജ​യി​ലി​ലെ​ത്തി. ഇ​റ​ങ്ങി​യ വ​ഴി​യേ​ത​ന്നെ തി​രി​ച്ചു ക​യ​റാ​ൻ ശ്ര​മി​ച്ചു. പ​ക്ഷേ, പോ​ലീ​സ് പൊ​ക്കി.

ബാ​ഗ് പ​രി​ശോ​ധി​ച്ച പോ​ലീ​സു​കാ​ർ അമ്പരന്നു. ഒ​രാ​ൾ​ക്ക് ഒ​രാ​ഴ്ച​ത്തേ​ക്കു ക​ഴി​ക്കാ​നു​ള്ള ഭ​ക്ഷ​ണ​മു​ണ്ടാ​യി​രു​ന്നു അ​തി​ൽ. കൂ​ട്ട​ത്തി​ൽ കു​റ​ച്ച് ക​ഞ്ചാ​വും. ക​ഞ്ചാ​വു​ക​ട​ത്തി​ന് ജ​യി​ൽ​ശി​ക്ഷ അ​നു​ഭ​വി​ക്കു​ന്ന ജോ​ഷ്വ​യു​ടെ പേ​രി​ൽ ജ​യി​ൽ ചാ​ടി​യ​തി​നും വീ​ട്ടി​ൽ അ​തി​ക്ര​മി​ച്ചു ക​യ​റി​യ​തി​നും മോ​ഷ​ണ​ത്തി​നും പോ​ലീ​സ് കേ​സ് ര​ജി​സ്റ്റ​ർ ചെ​യ്തു. ഇ​നി അ​തി​നു​ള്ള ശി​ക്ഷകൂ​ടി അ​നു​ഭ​വി​ച്ചാ​ലേ ജോ​ഷ്വ​യ്ക്ക് ജ​യി​ലി​ൽ​നി​ന്ന് പു​റ​ത്തി​റ​ങ്ങാ​ൻ പ​റ്റൂ.