പിറന്നപടി വിമാനത്തില് യാത്ര ചെയ്യുകയും വനിതാ ജീവനക്കാരെ കെട്ടിപ്പിടിക്കാന് ശ്രമിക്കുകയും ചെയ്ത യുവാവ് അറസ്റ്റില്
പിറന്നപടി വിമാനത്തില് യാത്ര ചെയ്യുകയും വനിതാ ജീവനക്കാരെ കെട്ടിപ്പിടിക്കാന് ശ്രമിക്കുകയും ചെയ്ത യുവാവ് അറസ്റ്റില്. മലേഷ്യയില് നിന്നു ബംഗ്ലദേശിലേക്ക് പറന്ന മലിന്ഡോ എയര് വിമാനത്തിലാണ് യുവാവ് പ്രശ്നം സൃഷ്ടിച്ചത്. ശനിയാഴ്ച ക്വാലലംപുരില്നിന്നു വിമാനം ടേക്ക് ഓഫ് ചെയ്ത ശേഷം ഇരുപതുകാരന് തുണി ഊരി, ലാപ്ടോപ്പില് അശ്ലീല വീഡിയോ കാണാന് തുടങ്ങിയെന്ന് സഹയാത്രക്കാര് പറഞ്ഞു.
ഇവര് എയര് ഹോസ്റ്റസുമാരുടെ ശ്രദ്ധയില്പ്പെടുത്തി. ഇതോടെ വിദ്യാര്ത്ഥിയായ യുവാവ് വസ്ത്രം അണിഞ്ഞു. അതോടെ സഹയാത്രക്കാര് ആശ്വാസത്തോടെയിരുന്നു. അല്പസമയത്തിന് ശേഷം വനിതാ ജീവനക്കാരെ കെട്ടിപ്പിടിക്കാന് ശ്രമിച്ചു. അത് വിലക്കിയതോടെ യുവാവ് അക്രമാസക്തനായി.
ജീവനക്കാരിയെ ആക്രമിക്കാന് തുടങ്ങുന്ന സ്ഥിതിയായതോടെ യാത്രക്കാരും ജീവനക്കാരും സഹയാത്രികരും ചേര്ന്ന് യുവാവിന്റെ കൈകള് കെട്ടിയിട്ടു. ധാക്കയില് ഇറങ്ങിയ പാടെ ഇയാളെ അറസ്റ്റ് ചെയ്തു. മലേഷ്യയിലെ സര്വകലാശാല വിദ്യാര്ത്ഥിയാണിയാള്. അതേസമയം, എന്തിനാണിങ്ങനെ ഇതൊക്കെ ഇയാള് കാട്ടിക്കൂട്ടിയതെന്ന് അറിയില്ല. സംഭവത്തെ കുറിച്ച് പ്രതികരിക്കാന് വിമാനക്കമ്പനി അധികൃതരും തയാറായിട്ടില്ല. യാത്രക്കിടെ ജീവനക്കാരെ ശല്യം ചെയ്ത യാത്രക്കാരനെ ധാക്ക പൊലീസ് അറസ്റ്റ് ചെയ്തെന്ന് മലിന്ഡോ അധികൃതര് വാര്ത്താക്കുറിപ്പില് അറിയിച്ചു.
https://www.facebook.com/Malayalivartha