അമേരിക്കയുമായുള്ള ചര്ച്ച അവസാനിക്കുംവരെ ആണവ പരീക്ഷണം നിര്ത്തിവെക്കാമെന്ന് ഉത്തര കൊറിയ
അമേരിക്കയുമായി ചർച്ചയ്ക്ക് തയാറാണെന്നും ചര്ച്ച അവസാനിക്കുംവരെ ആണവ പരീക്ഷണം നിര്ത്തിവെക്കാമെന്നും ഉത്തര കൊറിയ. ദക്ഷിണ കൊറിയന് പ്രതിനിധി സംഘം കിം ജോങ് ഉന്നുമായി നടത്തിയ ചർച്ചയ്ക്ക് ശേഷമാണ് ഇക്കാര്യം അറിയിച്ചത്.
ഉത്തര കൊറിയന് ഭരണകൂടത്തിന് എതിരായ ഭീഷണി ഒഴിവാകുന്നപക്ഷം ആണവ പരീക്ഷണവുമായി മുന്നോട്ടുപോകേണ്ട ആവശ്യമില്ലെന്ന് ഉത്തര കൊറിയ വ്യക്തമാക്കിയെന്ന് ദക്ഷിണ കൊറിയന് സംഘത്തലവന് ചുങ് ഉയി യോങ് പറഞ്ഞു.
ആണവ പരീക്ഷണങ്ങളുടെ പേരില് ഉത്തര കൊറിയയും അമേരിക്കയും തമ്മിലുള്ള ബന്ധം ഏറെക്കാലമായി വഷളായ നിലയിലായിരുന്നു. അമേരിക്കന് പ്രസിഡന്റ് ഡൊണാള്ഡ് ട്രംപും ഉത്തര കൊറിയന് പരമോന്നത നേതാവ് കിം ജോങ് ഉന്നും പരസ്പരം അധിക്ഷേപിക്കുകയും യുദ്ധഭീഷണി മുഴക്കുകയുംവരെ ചെയ്തിരുന്നു.
https://www.facebook.com/Malayalivartha