ഫ്രാന്‍സ് പെണ്‍കുട്ടികള്‍ക്ക് ലൈഗിംക ബന്ധത്തിലേര്‍പ്പെടുന്നതിനുള്ള പ്രായപരിധി 15 ആക്കാനൊരുങ്ങുന്നതായി റിപോർട്ടകൾ. ഡോക്ടര്‍മാരുടേയും നിയമവിദഗ്ധരുടേയും ഉപദേശത്തെതുടര്‍ന്നാണ് നിയമ ഭേദഗതി ചെയ്യാനൊരുങ്ങുന്നത്. ഈ നിയമം നിലവില്‍ വരുന്നതോടെ 15 വയസ്സിന് താഴെയുള്ളവരുമായി ലൈഗിംക ബന്ധത്തിലേര്‍പ്പെട്ടാല്‍ അത് ബലാത്സംഗമായി കണക്കാക്കും.

നിലവില്‍ 15 വയസ്സിന് താഴെ പ്രായമുള്ള പെണ്‍കുട്ടികളുമായി ലൈംഗിക ബന്ധത്തിലേര്‍പ്പെടുന്നത് ക്രിമിനല്‍ കുറ്റമാണെങ്കിലും കേസ് തെളിയിക്കാന്‍ അഭിഭാഷകര്‍ വളരെയധികം പ്രയാസപ്പെടുന്നുണ്ട്.

പ്രയപൂര്‍ത്തി തികയാത്തവര്‍ക്കെതിരെയുള്ള ലൈംഗിക ചൂഷണം എന്ന കുറ്റം മാത്രമേ ചാര്‍ത്താന്‍ സാധിക്കുകയുള്ളു. പരമാവധി 5 വര്‍ഷം തടവും പിഴയും മാത്രമേ ഈ കുറ്റത്തിന് ശിക്ഷയുള്ളു.

ഈ സാഹചര്യത്തിലാണ് പുതിയ നിയമം കൊണ്ടു വന്ന് കുറ്റവാളികള്‍ക്ക് ശിക്ഷ ഉറപ്പ് വരുത്താന്‍ സര്‍ക്കാര്‍ തീരുമാനിച്ചിരിക്കുന്നത്.

നിയമം മാര്‍ച്ച്‌ 21-ന് മന്ത്രിമാരുടെ കൗണ്‍സിലിന് മുൻപാകെ അവതരിപ്പിക്കും. അടുത്തിടെ 11 വയസ്സ് പ്രായമുള്ള പെണ്‍കുട്ടികള്‍ ഇരകളായ രണ്ട് കേസിൽ പ്രതികള്‍ നിയമത്തിന്റെ ആനുകൂല്യത്തില്‍ രക്ഷപെട്ടത് വലിയ ജനരോഷത്തിനിടയാക്കിയിരുന്നു.