സോഷ്യല് മീഡിയയില് താരമാകാന് ഇറങ്ങിപ്പുറപ്പെട്ടു... പണി കിട്ടിയത് ഇങ്ങനെ?
സോഷ്യല് മീഡിയ വഴി താരമാകാന് ഇറങ്ങിപ്പുറപ്പെട്ട യുവതിക്ക് കിട്ടിയത് എട്ടിന്റെ പണി തന്നെ. ന്യൂയോര്ക്കുകാരിയായ ലിസെറ്റ് കാല്വെറോയ്ക്കാണ് പണികിട്ടിയത്. ഇന്സ്റ്റഗ്രാമില് താരമാകുവാന് ഇറങ്ങിപ്പുറപ്പെട്ടിട്ട് കിട്ടിയതോ കടങ്ങള് മാത്രം. 2016 ല് ഈ ഇരുപത്തിയാറുകാരി കാല്വെറോ നടത്തിയ യാത്രകളില് ഭൂരിഭാഗവും ഇന്സ്റ്റാഗ്രാമിന് വേണ്ടി മാത്രമുള്ളതായിരുന്നു. അത് മാത്രമല്ല ഇന്സ്റ്റഗ്രാം ചിത്രങ്ങള് മനോഹരമാക്കുവാന് വിലകൂടിയ ബ്രാന്റഡ് വസ്ത്രങ്ങളും സൗന്ദര്യ വര്ധക ഉത്പന്നങ്ങളും വാങ്ങുകയും ചെയ്തു. ഓരോ ഷോപ്പിങ്ങിനും ചെലവു വരുന്നത് 200 ഡോളറിലധികം. മാസത്തിലൊരിക്കല് ഡിസൈനര് ബാഗുകള്ക്കും മറ്റ് ഉല്പ്പന്നങ്ങള്ക്കുമായി 1000 ഡോളറിലധികം ചെലവാക്കി.
ഇന്സ്റ്റാഗ്രാമിലെ ചിത്രങ്ങള്ക്ക് വേണ്ടി പുറത്തു നിന്നാണ് അവര് സ്ഥിരം ഭക്ഷണം കഴിക്കുക. അതും ആഢംബര ഹോട്ടലുകളില് നിന്ന്. നഗരത്തിലെ മനോഹരമായ ഇടങ്ങളിലാണ് അവര് സമയം ചിലവഴിക്കുക. യാത്രാചെലവുകള് ആണെങ്കില് കടമായി മൂടി.
ഒടുവില് ഇപ്പോള് എല്ലാത്തില് നിന്നും വിട്ടു നില്ക്കുന്ന ലിസെറ്റ് തന്റെ സോഷ്യല് മീഡിയ ദുരന്തത്തെക്കുറിച്ച് ഒരു ടെക് മാധ്യമത്തോട് പ്രതികരിച്ചു. പഴയ ജീവിതത്തെ കുറിച്ചുള്ള ബോധ്യം ഇന്ന് കാല്വേറൊയ്ക്കുണ്ട്. സോഷ്യല് മീഡിയ താരമാകുവാന് ആവേശം കയറി നില്ക്കുന്ന യുവതി യുവാക്കളോട് തന്റെ ജീവിതം കാല്വെറോ പറയുന്നു. ഇപ്പോള് കാല്വെറോ ആ കടബാധ്യയെല്ലാം മറികടന്നു. അതിനായി ഇന്സ്റ്റഗ്രാമില് നിന്ന് അകലം പാലിച്ചിരിക്കുകയാണ് കാല്വെറോ.
https://www.facebook.com/Malayalivartha
