നമുക്കേവർക്കും സുപരിചിതമായ ഒരു ചോക്ലേറ്റ് ആണ് സ്നിക്കേഴ്സ്. മറ്റു ചോക്ലേറ്റുകളെ അപേക്ഷിച്ചു സ്നിക്കേഴ്സ് വളരെയേറെ പ്രചാരത്തിലുള്ളതും ചെലവാകുന്നതുമായ ചോക്ലേറ്റുകളിലൊന്നാണ്. എന്നാൽ ഇത്രയും പ്രചാരത്തിലുള്ള സ്നിക്കേഴ്സിന്റെ ഡ്യൂപ്ലിക്കേറ്റ് പതിപ്പുകളാണ് വിപണിയിൽ ലഭ്യമാകുന്നതെന്നാണ് പുതിയ റിപ്പോർട്ടുകൾ.

സ്നിക്കേഴ്സ് പ്രേമികൾ തീർത്തും ഈ ചോക്ലേറ്റ് ഉപയോഗിക്കുന്നത് ഉപേക്ഷിക്കണമെന്നാണ് വിദഗ്ദർ പറയുന്നത്. കുട്ടികളുടെ മനം കവർന്ന ചോക്ലേറ്റ് കാഴ്ച്ചയിൽ മിടുക്കനാണെങ്കിലും ഇത് കഴിക്കുന്നതോടെ ആരോഗ്യപ്രശ്നങ്ങൾ വന്നെത്തുമെന്നാണ് റിപ്പോർട്ടുകൾ അറിയിക്കുന്നത്.

ഫിലിപ്പീന്‍സില്‍ 50 ടണ്‍ ഡ്യൂപ്ലിക്കേറ്റ് സ്നിക്കേഴ്സാണ് കൂട്ടത്തോടെ കത്തിച്ചുകളഞ്ഞത്. ഇവിടെ നിന്നുള്ളൊരു വീഡിയോ ഇതിനോടകം സോഷ്യല്‍ മീഡിയയില്‍ വൈറലായി കഴിഞ്ഞു. ഈ ചോക്ലേറ്റ് ആരോഗ്യത്തിന് ഹാനികരമാണെന്ന് കണ്ടെത്തിയതിനെ തുടര്‍ന്നാണ് ആയിരക്കണക്കിന് ചോക്ലേറ്റുകള്‍ ഇങ്ങനെ കത്തിയെരിച്ചത്.

കുട്ടികൾക്കായി ഈ ചോക്ലേറ്റ് വാങ്ങി നൽകുന്ന രക്ഷിതാക്കൾക്ക് ഇത് ഡ്യൂപ്ലിക്കേറ്റാണോ എന്ന് തിരിച്ചറിയാന്‍ ചിലപ്പോള്‍ സാധിക്കില്ല. എന്നാൽ ഇതിനുള്ളിലെ അണുബാധ ആരോഗ്യത്തെ തുടരെ തുടരെ നശിപ്പിക്കുമെന്നാണ് റിപ്പോർട്ടുകൾ. യുകെ, ഫ്രാന്‍സ്, ബെല്‍ജിയം, ജര്‍മ്മനി, സ്പെയിന്‍ എന്നിവിടങ്ങളിലാണ് നിലവിൽ ഡ്യൂപ്ലിക്കേറ്റ് സ്നിക്കേഴ്സ് കണ്ടെത്തിയിരിക്കുന്നത്.

വീഡിയോ കാണാം....