കൂര്‍ക്കംവലി അസഹനീയമായി ; 92 കാരിയെ മുഖത്ത് തലയിണയമര്‍ത്തി കൊലപ്പെടുത്തി
കൂര്‍ക്കംവലി അസഹനീയമായതിനെ തുടര്‍ന്ന് വൃദ്ധയെ കൊലപ്പെടുത്തിയ ആൾ അറസ്റ്റിൽ. 92 കാരിയായ വെറോനിക്കാ ഇവിന്‍സിനെയാണ് കൂര്‍ക്കം വലി അസഹനീയമായതിന്റെ പേരില്‍ കൂടെ താമസിച്ച എന്‍റിക്ക് ലീവ കൊലപ്പെടുത്തിയത്. ഇവിന്‍സിന്റെ മുഖത്ത് തലയിണ അമര്‍ത്തിയാണ് കൊലപ്പെടുത്തിയത്.
ഉറങ്ങാൻ കിടക്കുമ്പോള്‍ വെറോനിക്കായുടെ കൂർക്കംവലി എന്‍ട്രിക്കിന് ശല്യമായി തോന്നി. ഇതോടെ വെറോനിക്കായുടെ മുഖത്തു തലയിണയമർത്തി എന്‍ട്രിക്ക് കൊലപ്പെടുത്തുകയായിരുന്നു. തുടർന്ന് ഇയാൾ തന്നെ വിവരം പോലീസിനെ വിളിച്ച് അറിയിച്ചിരുന്നു. പോലീസ് സ്ഥലത്തെത്തി ഉടൻ ആശുപത്രിയിൽ എത്തിച്ചുവെങ്കിലും ഇതിനകം മരിച്ചിരുന്നു.
കഴിഞ്ഞ അറുപത് വര്‍ഷമായി ഇതേ അപ്പാര്‍ട്ട്മന്റിലായിരുന്നു വെറോനിക്ക താമസിച്ചിരുന്നത്. വെറോനിക്കാ ഇവിന്‍സിന്റെ മകള്‍ കുറച്ച്‌ മാസങ്ങള്‍ക്ക് മുമ്പ് അര്‍ബുദത്തെ തുടര്‍ന്ന് മരിച്ചിരുന്നു. തുടര്‍ന്ന് സഹായിയായ എന്‍റിക് സ്ഥിരമായി ഇവരുടെ അപ്പാര്‍ട്ട്മന്റിൽ താമസമാക്കുകയായിരുന്നു. അതേസമയം വെറോനിക്കയുടെ സമ്പാദ്യം അപഹരിക്കാൻ വേണ്ടിയാണ് എന്‍ട്രിക്ക് കൊലപ്പെടുത്തിയതെന്ന് ബന്ധുക്കൾ ആരോപിക്കുന്നു.
https://www.facebook.com/Malayalivartha
